Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 12 de decembro de 2001

na sala de xuntas da Delegación Provincial da Consellería da Presidencia e Administración Pública, baixo a presidencia do delegado provincial da Consellería de Medio Ambiente, e coa asistencia dos vocais Emilio Sánchez Coto, Manuel Martínez Garrido, José Antonio Illán Torrón e do secretario Luis Quiroga Arnal, dictou a resolución de clasificar como veciñais en man común os montes seguintes:

-Expediente número 10/2000.

Denominación: monte de Valverde.

Comunidade propietaria: veciños da parroquia de Valverde.

Concello: Monforte de Lemos.

Superficie: 22,5 hectáreas.

Estremas:

Norte: camiño e predios particulares dos veciños de Valverde. Leste: predios particulares dos veciños de Valverde. Sur: monte veciñal en man común pertencente ós veciños da parroquia da Parte (parcela: Serra da Parte). Oeste: zona en litixio entre esta comunidade de Valverde maila comunidade de Ribasaltas.

-Expediente número 2/2001.

Denominación: monte San Roque e Cornao.

Comunidade propietaria: veciños da parroquia de Ribasaltas.

Concello: Monforte de Lemos.

Superficie: 53 hectáreas.

Estremas da parcela San Roque-31,5 hectáreas:

Norte: zona en litixio entre esta comunidade de Ribasaltas maila comunidade de Valverde. Leste: monte veciñal en man común pertencente ós veciños da parroquia da Parte (parcela: Serra da Parte), extrema seguindo divisoria de augas. Sur e oeste: predios particulares da parroquia de Ribasaltas.

Estremas da parcela Cornao-21,5 hectáreas:

Norte e oeste: predios particulares da parroquia de Ribasaltas. Leste: monte veciñal en man común pertencente ós veciños da parroquia da Parte (parcela O Cornado). Sur: monte veciñal en man común pertencente ós veciños da parroquia de Reigada en convenio coa Administración forestal.

-Expediente número 18/2001.

Denominación: monte de Piñeira.

Comunidade propietaria: veciños da parroquia de Piñeira.

Concello: Monforte de Lemos.

Superficie: 31 hectáreas.

Estremas:

Norte: estrada N-120 de Monforte de Lemos a Ourense e predios particulares. Leste: estrada local que conduce ó polígono industrial e predios particulares. Sur: predios particulares. Oeste: camiño, Rego de Carballo e predios particulares.

Contra esta resolución e desde a súa notificación ou publicación, poderá interporse recurso potestativo de reposición no prazo dun mes perante o Xurado

Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.

Lugo, 12 de decembro de 2001.

Luis González Vázquez

Presidente do Xurado Provincial de Montes

Veciñais en Man Común de Lugo