Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos nº 915/2001, por instancia de Rubén Fernández Souto contra a empresa Composan Construcción, S.A., sobre despedimento, nos que recaeu sentencia en data 29-1-2002 que, copiada nos particulares necesarios, dí así:
«Decido que, estimando a demanda promovida por Rubén Fernández Souto contra a empresa Composan Construcción, S.A., debo declarar e declaro improcedente o despedimento efectuado ó demandante na data 31-10-2001, condenando a demandada a que no prazo de cinco días contado desde a notificación desta resolución, opte entre a readmisión do traballador nas mesmas condicións que rexían antes de producirse o despedimento, ou o aboamento da cantidade de 1.239,51 euros (206.237 pesetas) en concepto de indemnización, e ó aboamento dos salarios deixados de percibir desde a data do despedimento ata a notificación desta resolución a razón de 31,92 euros (5.311 pesetas) diarios.
Decrétase, así mesmo, o embargo preventivo das cantidades que en concepto de créditos a favor da
empresa demandada Composan Construcción, S.A. esta lle debe á entidade Comunidade de Propietarios do Centro Comercial Catro Camiños.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia, no prazo de cinco días contados a partir do seguinte ó da súa notificación, anunciando o propósito de interpoñelo mediante comparecencia ou por escrito, sendo indispensable que, ó tempo de anuncialo, o recorrente, se é empresario, exhiba perante este Xulgado do Social o xustificante acreditativo de ter depositado no Banco de Bilbao Vizcaya, oficina principal desta cidade, na conta corrente deste xulgado, número identificador 5605, clave 60, a cantidade obxecto da condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia, deberá consignar ademais, a cantidade de 25.000 pesetas na mesma conta coa clave 65, entregándose o xustificante na
secretaría ó tempo de interpoñe-lo recurso, declarándose este desistido de non constituírse tal depósito na forma indicada, definitivamente xulgando en primeira instancia, pronúncioo, mándoo e asínoo.
Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que sirva de notificación en forma á empresa, expido e asino esta cédula na Coruña, 29 de xaneiro de 2002.
A secretaria
Rubricado
