Dentro do programa de actividades de formación continua da EGAP para o 2002, e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse os cursos referidos no anexo I desta resolución, que se desenvolverán de conformidade coas seguintes

Bases:

Primeira.-Solicitudes.

1. O persoal que desexe participar nos cursos programados deberá solicitalo coa presentación da instancia e certificación que, como modelos oficiais, se recollen no anexo II e III desta resolución, respectivamente.

2. Naqueles cursos que conten con varias edicións presentarase unha soa instancia e para unha única localidade.

3. A falsidade ou ocultación de datos esenciais para a selección dos aspirantes dará lugar á exclusión automática do curso solicitado, así como á imposibilidade de participar en ningún outro curso no presente ano.

4. Para os cursos que se realicen ata o mes de xuño inclusive, o prazo de presentación de instancias rematará o día 11 de marzo. Para os cursos que se realicen a partir do mes de agosto, o prazo de presentación de solicitudes rematará o día 31 de maio.

5. As solicitudes, dirixidas ó director da EGAP, presentaranse no rexistro xeral da escola, sita na rúa de Madrid, 2-4, polígono das Fontiñas, 15707 Santiago de Compostela, ou en calquera das dependencias recollidas no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.

Segunda.-Acceso ás actividades.

Poderá participa-lo persoal que cumpra os requisitos específicos esixidos para cada curso no aludido anexo I.

Terceira.-Selección.

1. Os criterios selectivos que se van utilizar serán os sinalados con carácter xeral na resolución da Escola Galega de Administración Pública do 27 de xuño de 1994 (Diario Oficial de Galicia nº 149, do 3 de agosto), modificada pola Resolución do 5 de xaneiro de 2001 (Diario Oficial de Galicia nº 14, do 19 de xaneiro). Nos cursos de conversa en inglés e conversa en francés a selección realizarase mediante unha proba oral no respectivo idioma.

2. Nos cursos que conten con varias edicións terá preferencia na selección efectuada para cada unha das localidades programadas o persoal que desempeñe o seu posto de traballo nelas.

3. En todo caso, terá preferencia o persoal fixo sobre o temporal.

4. As relacións de seleccionados para participar nos cursos previstos publicaranse nos taboleiros de anuncios da Escola Galega de Administración Pública e do Centro de Información Administrativa e Atención ó Cidadán e, se é o caso, nas delegacións provinciais da Consellería da Presidencia e Administración Pública.

Cuarta.-Certificacións de asistencia.

1. Outorgaráselle-lo correspondente certificado de asistencia ós alumnos que participen con regularidade e dedicación no desenvolvemento dos cursos. Para os efectos de avalia-los coñecementos adquiridos polos alumnos, a EGAP poderá fixa-la realización das probas que considere oportunas ou requiri-la presentación dun traballo final de prácticas.

2. É obrigatoria a asistencia e puntualidade a tódalas sesións dos cursos. Toda ausencia deberá ser xustificada debidamente polo interesado. A falta de asistencia, aínda que sexa xustificada, a máis do 15% das horas lectivas programadas, impedirá a expedición da certificación anteriormente referida e dará lugar á baixa no curso coa perda de tódolos dereitos.

3. Para coñecemento e constancia no seu expediente, os participantes nos cursos deberán facilitar copia das certificacións recibidas nos servicios de persoal do centro directivo ó que estean adscritos.

Quinta.-Modificacións.

1. A EGAP poderá modifica-lo desenvolvemento e mailos contidos dos cursos anunciados co fin de adaptalos ás necesidades da Administración, así como ás distintas continxencias que poidan xurdir.

2. No suposto de que o número de instancias recibidas sexa inferior ó 50% das prazas convocadas, a EGAP reserva para si o dereito de suspende-la realización do curso de que se trate, utilizando para o efecto os medios de notificación ós interesados previstos na normativa vixente.

Sexta.-Financiamento.

En razón dos fondos con que se financiarán estes cursos, a súa realización efectiva está condicionada á transferencia daqueles por parte do Instituto Nacional de Administración Pública.

Santiago de Compostela, 21 de febreiro de 2002.

Domingo Bello Janeiro

Director da Escola Galega

de Administración Pública

ANEXO I

* Curso: procedemento administrativo (7 edicións).

1. Obxectivos.

Profundar nos coñecementos xerais na materia e capacita-los participantes no manexo da Lei de réxime xurídico das administracións públicas e do procedemento administrativo común.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que no desempeño do seu posto de traballo realicen funcións relacionadas cos obxectivos do curso.

3. Desenvolvemento.

3.1. Duración: 24 horas.

3.2. Lugares e datas: Santiago de Compostela (2 edicións), A Coruña, Lugo, Ourense, Pontevedra e Vigo, os días 17, 18, 19, 20, 24, 25, 26 e 27 de xuño.

3.3. Horarios: das 17 ás 20 horas.

3.4. Prazas: 30 por edición.

4. Contido.

Ámbito de aplicación. Principios. Os dereitos e deberes dos cidadáns. O silencio administrativo. Os interesados. O acto administrativo. O procedemento administrativo. Os recursos administrativos. A responsabilidade patrimonial. A potestade sancionadora.

* Curso: réxime xurídico das axudas (2 edicións).

1. Obxectivos.

Unificar criterios e perfecciona-los métodos legais de actuación de acordo co establecido nas distintas normas de axudas.

2. Destinatarios.

Persoal da Xunta de Galicia con responsabilidade directa na tramitación e xestión de axudas e subvencións, que se atopen destinados en unidades dedicadas a esta tarefa.

3. Desenvolvemento.

3.1. Duración: 21 horas.

3.2. Lugar e datas : EGAP, os días 1, 2, 3, 4, 8, 9 e 10 de abril.

3.3. Horarios: das 17 ás 20 horas.

3.4. Prazas: 30 por edición.

4. Contido.

O procedemento das subvencións. A súa concesión. O pagamento das axudas. O control das subvencións. As subvencións no orzamento público.

* Curso: procedemento administrativo, intimidade e informática.

1. Obxectivos.

Estudia-los problemas que se presentan no actuar da Administración pública en relación coas materias que están cubertas pola garantía constitucional da intimidade persoal e familiar, tanto no aspecto teórico como no práctico, examinando a normativa de acceso a arquivos e rexistros no que afecta a este dereito constitucional, as cuestións que se presentan polo uso da informática na Administración pública e o réxime legal de protección de datos de carácter persoal.

2. Destinatarios.

Funcionarios dos grupos A e B e persoal laboral dos grupos I e II da Xunta de Galicia, que desenvolvan tarefas relacionadas coas materias que constitúen o contido do curso.

3. Desenvolvemento.

3.1. Duración: 21 horas.

3.2. Lugar e datas: EGAP, os días 6, 7, 8, 13, 14, 15 e 16 de maio.

3.3. Horarios: das 17 ás 20 horas.

3.4. Prazas: 30.

4. Contido.

Introducción. Administración pública e intimidade persoal e familiar dos cidadáns. Dereitos constitucionais en presencia e a súa regulamentación legal. Procedemento administrativo e intimidade. Dereito de acceso a arquivos e rexistros. Problemática nos distintos sectores da actividade administrativa. Casos prácticos. Administración pública e informática. A seguridade nas comunicacións electrónicas. O documento electrónico, a firma electrónica e as relacións coa Administración pública por medios electrónicos e informáticos. A protección de datos de carácter persoal: regulamentación legal. Principios da protección de datos e dereitos das persoas. Ficheiros de titularidade pública e privada. A Axencia de Protección de Datos. Infraccións e sancións.

* Curso: o deber de actuar e o control da inactividade da Administración.

1. Obxectivos.

Estudia-lo deber xurídico de actuar da Administración, analizando as súas dificultades e obstáculos, tanto no eido teórico como no práctico, examinando os supostos de inactividade consagrados nas normas, como o caso do silencio administrativo e a perención e intentando repara-las consecuencias da inactividade administrativa no seu sentido amplo, valorando as súas consecuencias e a responsabilidade patrimonial da Administración nestes casos.

2. Destinatarios.

Funcionarios dos grupos A e B e persoal laboral dos grupos I e II da Xunta de Galicia, que no desempeño do seu posto de traballo desenvolvan tarefas relacionadas coas materias obxecto do curso.

3. Desenvolvemento.

3.1. Duración: 21 horas.

3.2. Lugar e datas: EGAP, os días 4, 5, 6, 7, 11, 12 e 13 de novembro.

3.3. Horarios: das 17 ás 20 horas.

3.4. Prazas: 25.

4. Contido.

O deber de actuar. Inactividade regulamentaria e execución das leis. O deber de incoacción e a discrecionalidade nos procedementos iniciados de

oficio. O silencio da Administración en materia sancionadora. A inactividade na instrucción dos procedementos administrativos. O deber de resolver. A perención administrativa. O silencio administrativo. A inexecución dos actos administrativos. A inactividade dos concesionarios. Inactividade administrativa e responsabilidade patrimonial.

* Curso: a responsabilidade penal, disciplinaria e civil dos funcionarios.

1. Obxectivos.

Profundar no coñecemento dos delictos dos funcionarios públicos no exercicio dos seus cargos, nas infraccións administrativas que producen imputabilidade disciplinaria e na responsabilidade civil.

2. Destinatarios.

Funcionarios dos grupos A e B e persoal laboral dos grupos I e II con destino na Administración da Xunta de Galicia, interesados na materia obxecto do curso.

3. Desenvolvemento.

3.1. Duración: 24 horas.

3.2. Lugar e datas: EGAP, os días 20, 21, 22, 23, 27, 28, 29 e 30 de maio.

3.3. Horarios: das 17 ás 20 horas.

3.4. Prazas: 25.

4. Contido.

Delictos dos funcionarios públicos no exercicio dos seus cargos: prevaricación. Infidelidade na custodia de documentos. Violación de segredos. Suborno. Responsabilidade disciplinaria e civil.

* Curso: técnicas de redacción de informes, propostas e resolucións (7 edicións).

1. Obxectivos.

Domina-las técnicas de redacción dos documentos administrativos complexos.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que no desempeño do seu posto de traballo desenvolvan tarefas relacionadas coas materias obxecto do curso.

3. Desenvolvemento.

3.1. Duración: 21 horas.

3.2. Lugares e datas: Santiago de Compostela (2 edicións) e Vigo: 15, 16, 17, 18, 22, 23 e 24 de abril. A Coruña, Lugo, Ourense e Pontevedra: 6, 7, 8, 13, 14, 15 e 16 de maio.

3.3. Horarios: das 17 ás 20 horas.

3.4. Prazas: 25 por edición.

4. Contido.

A linguaxe administrativa como linguaxe de especialidade. Criterios xerais de estilo na redacción administrativa. Os informes. As resolucións. Os recursos.

* Curso: a normativa laboral. O convenio colectivo único para o persoal da Xunta de Galicia. A negociación colectiva.

1. Obxectivos.

Profundar no coñecemento da normativa laboral vixente, con especial atención á normativa autonómica.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que desempeñen postos de traballo nos que leven a cabo funcións relacionadas co contido do curso.

3. Desenvolvemento.

3.1. Duración: 30 horas.

3.2. Lugar e datas: EGAP, os días 16, 17, 21, 22, 23, 24, 28, 29, 30 e 31 de outubro.

3.3. Horarios: das 17 ás 20 horas.

3.4. Prazas: 30.

4. Contido.

A normativa laboral. Políticas de igualdade. As modificacións producidas na contratación laboral. O réxime da Seguridade Social e o cálculo das pensións. As empresas de traballo temporal e a súa relación coa Administración pública. O convenio colectivo único do persoal laboral da Xunta de Galicia.O Servicio Galego de Colocación. A negociación colectiva.

* Curso: fundamentos de dereito comunitario para a praxe administrativa.

1. Obxectivos.

Prove-lo persoal administrativo que deba consultar e aplicar normas comunitarias de dereito privado e actos atípicos (comunicacións da comisión, entre outros) dos coñecementos precisos para a correcta defensa das competencias e intereses da Comunidade Autónoma de Galicia. Colaborar á formación de especialistas sectoriais naquelas consellerías e organismos directamente afectados polas normas de execución das distintas políticas comúns existentes a nivel europeo.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que desenvolvan tarefas relacionadas co contido do curso.

3. Desenvolvemento.

3.1. Duración: 30 horas.

3.2. Lugar e datas: EGAP, os días 21, 22, 23, 24, 28, 29, 30 e 31 de outubro; 4 e 5 de novembro.

3.3. Horarios: das 17 ás 20 horas.

3.4. Prazas: 20.

4. Contido.

Sistema de fontes. Defensa da competencia material autonómica na formación do dereito comunitario.

Desenvolvemento e execución do dereito comunitario polas comunidades autónomas. Exame da práctica comparada en estados de estructura complexa. Supervisión pola comisión europea. Análise do procedemento de infracción comunitario.

* Curso: xestión de procedementos administrativos afectados por disposicións comunitarias.

1. Obxectivos.

Familiariza-lo persoal autonómico coas disposicións de dereito derivado europeo que priman sobre as normas do ordenamento español nos procedementos administrativos máis comúns. Interpretar e integrar correctamente as disposicións substantivas comunitarias. Resolve-los conflictos que poida xera-la aplicabilidade directa pola Administración autonómica.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que desenvolvan tarefas relacionadas co contido do curso.

3. Desenvolvemento.

3.1. Duración: 30 horas.

3.2. Lugares e datas: EGAP, os días 15, 16, 17, 18, 22, 23, 24, 25, 29 e 30 de abril.

3.3. Horarios: das 17 ás 20 horas.

3.4. Prazas: 20.

4. Contido.

Introducción: marcos de relacións entre os diversos ordenamentos. Procedemento administrativo común e dereito comunitario. Xestión da actividade administrativa de fomento nun contorno comunitario. Elaboración de disposicións administrativas e controis da Comisión Europea. As directivas de contratación administrativa como normas de integración.

* Curso: xeral de xestión orzamentaria.

1. Obxectivos.

Proporcionar coñecementos específicos en materia de xestión orzamentaria.

2. Destinatarios.

Funcionarios dos grupos A, B e C e persoal laboral dos grupos I, II e III con destino na Administración da Xunta de Galicia, interesados na materia obxecto do curso.

3. Desenvolvemento.

3.1. Duración: 24 horas.

3.2. Lugar e datas: EGAP, os días 2, 3, 4, 5, 9, 10, 11 e 12 de setembro.

3.3. Horarios: das 17 ás 20 horas.

3.4. Prazas: 30.

4. Contido.

Introducción ós orzamentos da Comunidade Autónoma galega. A execución dos diferentes capítulos orzamentarios. Modificacións orzamentarias. Liquidación e peche do orzamento.

* Curso: a xestión dos tributos da Comunidade Autónoma galega.

1. Obxectivos.

O estudio, desde un punto de vista eminentemente práctico, dos problemas específicos que presenta a aplicación do conxunto dos tributos da Comunidade Autónoma galega, tanto os xestionados directamente pola propia comunidade, como os xestionados por delegación ou colaboración con outras entidades públicas, para profundar na cuestión do financiamento autonómico desde a perspectiva do dereito procedemental.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que no desempeño do seu posto de traballo desenvolvan tarefas relacionadas coas materias obxectivo do curso.

3. Desenvolvemento.

3.1. Duración: 30 horas.

3.2. Lugar e datas: EGAP, os días 30 de setembro, 1, 2, 3, 7, 8, 9, 10, 14 e 15 de outubro.

3.3. Horarios: das 17 ás 20 horas.

3.4. Prazas: 30.

4. Contido.

Os tributos da Comunidade Autónoma galega. Tributos propios. Impostos e taxas. Impostos cedidos. Réxime xeral. Cesión parcial do IRPF. Imposto sobre o patrimonio. Imposto sobre transmisións patrimoniais e actos xurídicos documentados. Imposto sobre sucesións e doazóns. Xestión de tributos sobre o xogo.

* Curso: xeral de contabilidade pública.

1. Obxectivos.

Proporcionar uns coñecementos básicos en materia de contabilidade pública.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, que no desempeño do seu posto de traballo realicen funcións relacionadas co contido do curso.

3. Desenvolvemento.

3.1. Duración: 30 horas.

3.2. Lugar e datas: EGAP, os días 15, 16, 17, 18, 22, 23, 24, 25, 29 e 30 de abril.

3.3. Horarios: das 17 ás 20 horas.

3.4. Prazas: 30.

4. Contido.

Plan Xeral de Contabilidade Pública. Orzamento de gastos. Orzamento de ingresos. Endebedamento. Transferencias e subvencións. Inmobilizado non financeiro. Tesourería. Contas anuais.

* Curso: xestión de persoal.

1. Obxectivos.

Proporcionar uns coñecementos básicos en materia de xestión de persoal das administracións públicas.

2. Destinatarios.

Funcionarios dos grupos A, B e C e persoal laboral dos grupos I, II e III, destinados en unidades de recursos humanos da Administración da Xunta de Galicia.

3. Desenvolvemento.

3.1. Duración: 21 horas.

3.2. Lugar e datas: EGAP, os días 3, 4, 5, 6, 10, 11 e 12 de xuño.

3.3. Horarios: das 17 ás 20 horas.

3.4. Prazas: 30.

4. Contido.

Introducción ó tema. O persoal ó servicio das administracións públicas. Réxime xurídico e características de xestión dos diferentes tipos de persoal.

* Curso: xestión de operacións de pagamento.

1. Obxectivos.

Proporciona-los coñecementos teóricos e prácticos que permitan mellora-los procedementos de xestión de operacións de pagamento.

2. Destinatarios.

Funcionarios dos grupos A, B e C e persoal laboral dos grupos I, II e III da Xunta de Galicia, relacionados coa materia obxecto do curso.

3. Desenvolvemento.

3.1. Duración: 21 horas.

3.2. Lugar e datas: EGAP, os días 17, 18, 19, 20, 24, 25 e 26 de xuño.

3.3. Horarios: das 17 ás 20 horas.

3.4. Prazas: 30.

4. Contido.

O orzamento e a xestión orzamentaria. Operacións especiais de pagamento: pagamentos en firme. Pagamentos a xustificar. Fondo de manobra. Anticipos de caixa fixa. Organización e funcionamento das caixas pagadoras: a habilitación. Xestión de pagamentos de bens e servicios. Xestión de pagamentos de retribucións de persoal.

* Curso: formación de formadores.

1. Obxectivos.

Introducir, actualizar e mellora-las habilidades didácticas das persoas que se dedican á impartición de accións formativas.

2. Destinatarios.

Persoal funcionario e laboral da Xunta de Galicia que impartisen cursos ou actividades formativas da EGAP.

3. Desenvolvemento.

3.1. Duración: 20 horas.

3.2. Lugar e datas: EGAP, os días 23, 24, 25, 26 e 30 de setembro; 1 e 2 de outubro.

3.3. Horarios: das 17 ás 20 horas.

3.4. Prazas: 10.

4. Contido.

A aprendizaxe adulta. O grupo como destinatario da acción formativa. Métodos e sistemas de aprendizaxe.

* Curso: habilidades de relación e atención ó público (5 edicións).

1. Obxectivos.

Desenvolver pautas eficaces e satisfactorias de comportamento ante o público, tanto en presencia como por teléfono.

2. Destinatarios.

Funcionarios dos grupos A e B e persoal laboral dos grupos I e II da Xunta de Galicia, que no desempeño do seu posto de traballo realicen funcións relacionadas cos obxectivos do curso.

3. Desenvolvemento.

3.1. Duración: 24 horas.

3.2. Lugar e datas: Santiago de Compostela: 1, 2, 3, 11, 12, 15, e 16 de abril; Lugo: 4, 5, 8, 9, 10, 16 e 17 de abril; Ourense: 17, 18, 19, 22, 23, 24 e 25 de abril; Pontevedra: 6, 7, 8, 9, 13, 14 e 15 de maio; A Coruña: 20, 21, 22, 23, 27, 28 e 29 de maio.

3.3. Horarios: das 17 ás 20,30 horas.

3.4. Prazas: 25 por edición.

4. Contido.

O momento da acollida. Os espacios na relación. Importancia do clima na atención. Suposto básico que dificulta as relacións. A imaxe e os seus condicionamentos. Os esquemas mentais que dificultan as relacións e a solución dos problemas. A comunicación e a escoita, especialmente en situacións difíciles.

* Curso: xestión informática das unidades administrativas (2 edicións).

1. Obxectivos.

Proporcionar uns coñecementos básicos para a xestión informática das unidades administrativas, con especial atención ás posibilidades que ofrece a Internet.

2. Destinatarios.

Funcionarios dos grupos A e B e persoal laboral dos grupos I e II da Xunta de Galicia, que no desempeño do seu posto de traballo realicen funcións relacionadas co contido do curso, preferentemente responsables de unidades administrativas con nivel de subdirección xeral ou xefatura de servicio.

3. Desenvolvemento.

3.1. Duración: 24 horas.

3.2. Lugar e datas: EGAP, os días 8, 9, 10, 11, 15, 17, 22, 23, 24, 29, 30 de abril e 6 de maio.

3.3. Horarios: das 17 ás 19 horas (1ª edición); das 19 ás 21 horas (2ª edición).

3.4. Prazas: 20 por edición.

4. Contido.

Coñecementos básicos: manexo da información. Partes fundamentais dun ordenador persoal. Sistema operativo: concepto. Manexos básicos iniciais. Conceptos de arquivo, carpeta e directorio. Organización das unidades de almacenamento. Traballo cun programa e intercambio de información entre distintos programas. Internet: conceptos básicos. World Wide Web. Procesador de textos e demais programas de uso habitual nas unidades administrativas.

* Curso: o expediente administrativo e os documentos administrativos (7 edicións).

1. Obxectivos.

Indica-los aspectos teóricos e prácticos involucrados na tramitación dos expedientes administrativos, así como estudia-lo documento administrativo desde o punto de vista xurídico e as principais formas documentais, todo iso relacionado cos dereitos dos cidadáns en relación cos expedientes administrativos e abordando a problemática xurídica dos rexistros, certificacións e compulsas.

2. Destinatarios.

Funcionarios dos grupos C e D e persoal laboral dos grupos III e IV da Xunta de Galicia, que no desempeño do su posto de traballo realicen funcións relacionadas co contido do curso.

3. Desenvolvemento.

3.1. Duración: 21 horas.

3.2. Lugares e datas: Santiago de Compostela (2 edicións), A Coruña, Lugo, Ourense, Pontevedra e Vigo, os días 20, 21, 22, 23, 27, 28 e 29 de maio.

3.3. Horarios: das 17 ás 20 horas.

3.4. Prazas: 25 por edición.

4. Contido.

Custodia, formación e ordenación do expediente. Clases de documentos, formalidades documentais. Dereitos dos cidadáns en relación cos expedientes administrativos. Rexistros, certificacións e compulsas. Acceso ó expediente administrativo e ós arquivos e rexistros.

* Curso: xeral de contratación administrativa (2 edicións).

1. Obxectivos.

Profundar nos coñecementos xerais na materia e capacita-los participantes no manexo do Real decreto lexislativo 2/2000, do 16 de xuño, polo que se

aproba o texto refundido da Lei de contratos das administracións públicas.

2. Destinatarios.

Funcionarios dos grupos C e D e persoal laboral dos grupos III e IV da Xunta de Galicia, que no desempeño do seu posto de traballo realicen funcións relacionadas cos obxectivos do curso.

3. Desenvolvemento.

3.1. Duración: 21 horas.

3.2. Lugares e datas: EGAP (2 edicións), os días 16, 17, 18, 19, 23, 24 e 25 de setembro.

3.3. Horarios: das 17 ás 20 horas.

3.4. Prazas: 30 por edición.

4. Contido.

Principios xerais. Actuacións previas. O contrato de obras. O contrato de xestión de servicios públicos. Outros tipos de contratos.

* Curso: introducción á Unión Europea (6 edicións).

1. Obxectivos.

Ofertar unha aproximación inicial ós funcionarios que aplican políticas, programas e iniciativas comunitarias mediante a tramitación dos seus correspondentes procedementos administrativos. Familiarización co vocabulario e conceptos básicos do acervo comunitario para a súa posterior explicación ós administrados. Coñecemento do entramado institucional europeo e o seu funcionamento. Aprendizaxe do manexo de ferramentas, bases de datos e recursos que faciliten a busca de información comunitaria complementaria.

2. Destinatarios.

Funcionarios dos grupos C e D e persoal laboral dos grupos III e IV, con destino na Administración da Xunta de Galicia, que no desempeño do seu posto de traballo realicen funcións relacionadas cos obxectivos do curso.

3. Desenvolvemento.

3.1. Duración: 24 horas.

3.2. Lugar e datas: A Coruña: 6, 7, 8, 9, 13, 14, 15 e 16 de maio; Pontevedra: 20, 21, 22, 23, 27, 28, 29 e 30 de maio; Santiago de Compostela: 3, 4, 5, 6, 10, 11, 12 e 13 de xuño; Ourense: 17, 18, 19, 20, 24, 25, 26 e 27 de xuño; Lugo: 2, 3, 4, 5, 9, 10, 11 e 12 de setembro; Vigo: 16, 17, 18, 19, 23, 24, 25 e 26 de setembro.

3.3. Horarios: das 17 ás 20 horas.

3.4. Prazas: 25 por edición.

4. Contido.

Historia da construcción europea e institucións. Sistema xurídico: dereito orixinario e derivado. Liberdades e dereitos individuais. Políticas comúns do sector primario. Políticas económicas. Defensa

do ambiente e protección do consumidor. Incidencia do dereito comunitario en institucións de dereito administrativo. Fontes de información europea.

* Curso: básico de arquivo (7 edicións).

1. Obxectivos.

A iniciación ó tratamento documental e ás técnicas de arquivo na Administración pública.

2. Destinatarios.

Persoal da Xunta de Galicia, pertencente os grupos funcionariais C, D e E e laborais III, IV e V, que no desempeño do seu posto de traballo leven a cabo tarefas de arquivo de documentación administrativa.

3. Desenvolvemento.

3.1. Duración: 21 horas.

3.2. Lugares e datas: Santiago de Compostela (2 edicións), A Coruña, Lugo, Ourense, Pontevedra e Vigo, os días 8, 9, 10, 14, 15, 16 e 17 de outubro.

3.3. Horarios: das 17 ás 20 horas.

3.4. Prazas: 30 por edición.

4. Contido.

Información e documentación. O proceso documental. Os documentos das administracións públicas. As técnicas de arquivo.

* Curso: información e atención ó cidadán (6 edicións).

1. Obxectivos.

Comprensión dos modos de conducta e das diferentes situacións que se poden presentar no desenvolvemento dun posto de traballo de atención ó público.

2. Destinatarios.

Persoal pertencente ós grupos funcionariais C, D e E e laborais III, IV e V da Xunta de Galicia, que ocupen postos de traballo que comporten tarefas de atención ó público e información ó cidadán.

3. Desenvolvemento.

3.1. Duración: 24 horas.

3.2. Lugares e datas: A Coruña: 3, 4, 5, 13, 14, 17 e 18 de xuño; Lugo: 6, 7, 10, 11, 12, 18 e 19 de xuño; Ourense: 19, 20, 21, 24, 25, 26 e 27 de xuño; Pontevedra: 9, 10, 11, 19, 20, 23 e 24 de setembro; Vigo: 12, 13, 16, 17, 18, 24 e 25 de setembro; Santiago de Compostela: 25, 26, 27, 30 de setembro; 1, 2 e 3 de outubro.

3.3. Horarios: das 17 ás 20.30 horas.

3.4. Prazas: 30 por edición.

4. Contido.

A relación interpersoal. Elementos básicos da comunicación. Técnicas de información ó público. Resolución de situacións. A información e atención ó público na Xunta de Galicia.

* Curso: as redes informáticas: a rede Internet (10 edicións).

1. Obxectivos.

Divulga-las posibilidades e vantaxes do funcionamento a través das redes informáticas.

2. Destinatarios.

Funcionarios con coñecementos informáticos. Responsables de decisión da conexión coa rede Internet. Usuarios das redes informáticas, en especial da rede Internet.

3. Desenvolvemento.

3.1. Duración: 16 horas.

3.2. Lugares e datas: Santiago de Compostela (2 edicións), A Coruña (2 edicións), Ferrol, Lugo, Ourense (2 edicións), Pontevedra e Vigo, os días 19, 20, 21, 25, 26, 27, 28 de novembro e 2 de decembro.

3.3. Horarios: das 17 ás 19 horas (1ª edición); das 19 ás 21 horas (2ª edición).

3.4. Prazas: 20 por edición.

4. Contido.

O acceso á Internet. As conexións. As redes. As páxinas web e as canles de información. As canles de diálogo. Os foros de discusión (news).

* Curso: iniciación á informática. O procesador de textos (13 edicións).

1. Obxectivos.

Proporcionar uns coñecementos básicos de informática, con especial atención ás posibilidades que ofrece o tratamento de textos na realización das tarefas administrativas.

2. Destinatarios.

O persoal de Administración da Xunta de Galicia.

3. Desenvolvemento.

3.1. Duración: 30 horas.

3.2. Lugares e datas: Santiago de Compostela (4 edicións), A Coruña (2 edicións), Ferrol, Lugo (2 edicións), Ourense (2 edicións), Pontevedra e Vigo, os días 7, 8, 9, 13, 14, 15, 16, 20, 21, 22, 23, 27, 28, 29 e 30 de maio. A 3ª e 4ª edicións de Santiago de Compostela serán os días 3, 4, 5, 6, 10, 11, 12, 13, 17, 18, 19, 20, 24, 25 e 26 de xuño.

3.3. Horarios: das 17 ás 19 horas (1ª e 3ª edicións); das 19 ás 21 horas (2ª e 4ª edicións).

3.4. Prazas: 20 por edición.

4. Contido.

Coñecementos básicos. Sistema operativo. Procesador de textos: introducción e garda de texto. Labores de edición. Labores de automatización.

* Curso: xestor de bases de datos relacionais (13 edicións).

1. Obxectivos.

Proporcionar uns coñecementos introductorios no manexo do xestor de bases de datos relacionais.

2. Destinatarios.

Persoal de Administración da Xunta de Galicia que no seu posto de traballo utilice bases de datos.

3. Desenvolvemento.

3.1. Duración: 24 horas.

3.2. Lugares e datas: Santiago de Compostela (4 edicións), A Coruña (2 edicións), Ferrol, Lugo (2 edicións), Ourense (2 edicións), Pontevedra e Vigo, os días 8, 9, 10, 14, 15, 16, 17, 21, 22, 23, 24 e 28 de outubro. A 3ª e 4ª edicións de Santiago de Compostela serán os días 29, 30 e 31 de outubro; 4, 5, 6, 7, 11, 12, 13, 14 e 18 de novembro.

3.3. Horarios: das 17 ás 19 horas (1ª e 3ª edicións); das 19 ás 21 horas (2ª e 4ª edicións).

3.4. Prazas: 20 por edición.

4. Contido.

Conceptos básicos. Xestión de táboas. Consultas. Formularios. Informes.

* Curso: folla de cálculo (13 edicións).

1. Obxectivos.

Proporcionar uns coñecementos introductorios para o manexo da folla de cálculo.

2. Destinatarios.

Persoal de Administración da Xunta de Galicia que no seu posto de traballo utilice folla de cálculo.

3. Desenvolvemento.

3.1. Duración: 20 horas.

3.2. Lugares e datas: Santiago de Compostela (4 edicións), A Coruña (2 edicións), Ferrol, Lugo (2 edicións), Ourense (2 edicións), Pontevedra e Vigo, os días 2, 3, 4, 5, 9, 10, 11, 12, 16 e 17 de setembro. A 3ª e 4ª edicións de Santiago de Compostela serán os días 18, 19, 23, 24, 25, 26 e 30 de setembro; 1, 2 e 3 de outubro.

3.3. Horarios: das 17 ás 19 horas (1ª e 3ª edicións); das 19 ás 21 horas (2ª e 4ª edicións).

3.4. Prazas: 20 por edición.

4. Contido.

Introducción e modificación de valores. Utilización e deseño de fórmulas. Funcións. Gráficos. Xestión de datos.

* Curso: medio de linguaxe administrativa galega (11 edicións).

1. Obxectivos.

O estudio e a aprendizaxe da linguaxe administrativa galega, con especial atención ás peculiaridades da lingua galega.

2. Destinatarios.

Persoal ó servicio da Xunta de Galicia, Consello de Contas, Valedor do Pobo e Consello Consultivo de Galicia.

3. Desenvolvemento.

3.1. Duración: 75 horas.

3.2. Lugares e datas: Santiago de Compostela (3 edicións): abril-maio (1ª edición), maio-xuño (2ª edición), outubro-novembro (3ª edición). A Coruña (3 edicións): abril-maio (1ª edición), maio-xuño (2ª edición), outubro-novembro (3ª edición). Lugo: abril-maio. Ourense (2 edicións): abril-maio (1ª edición), maio-xuño (2ª edición). Pontevedra: abril-maio e Vigo: abril-maio.

3.3. Horarios: das 17 ás 20 horas.

3.4. Prazas: 30 por edición.

4. Contido.

O fixado pola Dirección Xeral de Política Lingüística (Consellería de Educación e Ordenación Universitaria).

* Curso: conversa en inglés.

1. Obxectivos.

A aprendizaxe para conseguir unha fluidez na expresión oral da lingua inglesa.

2. Destinatarios.

Persoal ó servicio da Xunta de Galicia.

3. Desenvolvemento.

3.1. Duración: 25 horas.

3.2. Lugar e datas: Santiago de Compostela: abril-maio.

3.3. Horarios: das 17 ás 18 horas (1º grupo); das 18.30 ás 19.30 (2º grupo).

3.4. Prazas: 5 por grupo.

4. Contido.

Contidos comunicativos. Contidos semánticos. Contidos fonéticos.

* Curso: conversa en francés.

1. Obxectivos.

A aprendizaxe para conseguir unha fluidez na expresión oral da lingua francesa.

2. Destinatarios.

Persoal ó servicio da Xunta de Galicia.

3. Desenvolvemento.

3.1. Duración: 22,5 horas.

3.2. Lugar e datas: Santiago de Compostela: abril-maio.

3.3. Horarios: das 17 ás 18 horas (1º grupo); das 18.30 ás 19.30 (2º grupo).

3.4. Prazas: 5 por grupo.

4. Contido.

Contidos comunicativos. Contidos semánticos. Contidos fonéticos.

ANEXO III

D.

secretario xeral/responsable dos servicios de persoal na Consellería/Delegación Provincial de

CERTIFICO:

Que Don/a

non desempeño do seu posto de traballo de

realiza tarefas directamente relacionadas co contido do curso

......., ...... de ......... de 2002

Asdo.:............

(*) Non utilizar este anexo para os cursos de linguaxe administrativa.

(1) Especifique a denominación do curso solicitado.