De conformidade coas resolucións desta alcaldía en funcións, con data, respectivamente, do 28 de xaneiro de 2002 e do 13 de febreiro de 2002, por medio deste escrito dáse publicidade ás modificacións introducidas nas bases da dita praza, publicadas no DOG nº 34, do 15 de febreiro de 2002, a saber:

a) Na base sexta sobre composición, constitución e actuación do tribunal, onde di: «un funcionario de carreira representante das forzas sindicais máis representativas do concello», quedan redactadas da seguinte maneira: «dous funcionarios de carreira representantes das forzas sindicais máis representativas no concello».

b) Nesta mesma base sexta, introducir un novo número 6.8, coa seguinte redacción: «6.8. A orde de actuación dos aspirantes determinarase por sorteo realizado inmediatamente antes do comezo das probas».

c) No anexo I «programa da praza de axente da policía local do Concello de Vimianzo. Selección por oposición libre, a) parte xeral, incluír outro tema co número «Tema 9. Delictos e faltas. Conceptos e clases, penas. Competencias para o seu axuizamento e procedemento».

O que se fai público para xeral coñecemento.

Vimianzo, 18 de febreiro de 2002.

O alcalde accidental

Rubricado

O secretario accidental

Rubricado