A Xerencia Xeral do Complexo Hospitalario Universitario de Santiago de Compostela, en virtude das atribucións que lle foron delegadas pola Orde do 21 de abril de 1998, modificada pola Orde do data 23 de marzo de 2000, ámbalas dúas da Consellería de Sanidade e Servicios Sociais, en cumprimento do disposto no artigo 93.2º do Real decreto lexislativo 2/2000, de 16 de xuño, polo que se aproba o texto refundido da Lei de contratos das administracións públicas, resolve publica-la adxudicación da seguinte contratación:
1. Entidade adxudicadora.
a) Organismo: Complexo Hospitalario Universitario de Santiago de Compostela.
b) Dependencia que tramita o expediente: contratación administrativa.
2. Obxecto do contrato: expediente nº 43/2001.
a) Tipo de contrato: obra.
b) Descrición do obxecto: obra de reforma da planta baixa da antiga vivenda do conserxe do Hospital Gil Casares de Santiago de Compostela para a Unidade de Atención Temperá do Complexo Hospitalario Universitario de Santiago de Compostela.
c) Boletín ou diario oficial e data de publicación do anuncio de licitación: DOG nº 194, de 5 de outubro de 2001.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Orzamento base de licitación.
Importe total: 136.798,02 euros (22.761.276 pesetas).
5. Adxudicación.
a) Data: 7-12-2001
b) Contratista: Alicatados e Revestimentos Gómez Crespo, S.L.
c) Nacionalidade: española
Importe adxudicación: 131.326,103 euros (21.850.825 pesetas).
En cumprimento do previsto no artigo 58 da Lei 30/1992, de 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, notifícase esta resolución que pon fin á vía administrativa; poderá ser recorrida na vía contencioso administrativa ante o Tribunal Superior de Xustiza de Galicia no prazo de 2 meses, contados a partir do día seguinte ó da publicación desta resolución, de conformidade co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 14 de xaneiro de 2002.
Jordi Riba i Hibernón
Xerente xeral do Complexo Hospitalario
Universitario de Santiago de Compostela
