Por acordo adoptado na sesión plenaria do 29 de xuño de 2001, esta deputación provincial aprobou as bases para a prestación de servicios tributarios ós concellos da provincia. Este acordo foi publicado no BOP nº 155, do 7 de xullo de 2001.

De acordo coas ditas bases, os concellos que desexaron delegar na deputación provincial competencias en materia tributaria adoptaron os correspondentes acordos municipais, que tamén foron publicados no BOP.

Posteriormente, o Pleno da Corporación Provincial acordou acepta-las delegacións de competencias realizadas polos concellos.

As delegacións de competencias realizadas e aceptadas reflíctense no cadro que figura no anexo adxunto, no cal se detallan os seguintes puntos:

*Nome do concello delegante.

*Competencias delegadas, codificadas do xeito seguinte:

-Xestión e recadación voluntaria e executiva do imposto sobre bens inmobles, tanto de natureza rústica como urbana, ou do imposto municipal que o complemente ou substitúa no futuro: IBI.

-Xestión e recadación voluntaria e executiva do imposto sobre actividades económicas ou do imposto municipal que o complemente ou substitúa no futuro, así como a facultade para, de acordo co previsto no art. 92 da Lei reguladora das facendas locais, solicitar da Administración tributaria do Estado a delegación das funcións de xestión censual e inspección e establecer coa dita Administración as oportunas fórmulas de colaboración en materia de inspección en relación con este imposto: IAE.

-Xestión e recadación voluntaria e executiva do imposto sobre vehículos de tracción mecánica ou do imposto municipal que o complemente ou substitúa no futuro, salvo que o impidan compromisos ineludibles adquiridos con anterioridade polo concello ou este xestione o tributo directamente e non desexe delegalo: IVTM.

-A facultade, de acordo co previsto no art. 78 da Lei reguladora das facendas locais, para establecer acordos ou convenios coa Administración tributaria do Estado en materia de colaboración e inspección en relación co imposto sobre bens inmobles: X. CAT.

-Xestión, inspección e recadación voluntaria e executiva do imposto sobre o incremento de valor dos terreos de natureza urbana: IIVTNU.

-Recadación voluntaria e executiva de taxas e prezos públicos de carácter periódico anual e notificación colectiva mediante padrón. Este padrón anual poderá fraccionarse en dúas cotas semestrais, sempre que o concello titular da taxa ou prezo público recolla esta circunstancia na correspondente ordenanza fiscal municipal. En calquera caso, a determinación dos períodos de cobramento será competencia da deputación provincial: TAXAS.

As taxas e prezos públicos que aparecen especificados en código no cadro anexo son as seguintes:

203: servicio de sumidoiros.

223: inspección de instalacións industriais.

243: servicio de cemiterio.

253: recolla e tratamento de residuos sólidos.

403: subministración de auga potable.

463: lonxas e mercados.

503: entrada de vehículos.

533: ocupación da vía pública con materiais de construcción.

543: ocupación da vía pública con mesas e cadeiras.

553: postos e barracas.

563: escaparates e vitrinas.

-Recadación en período executivo de tributos, prezos públicos e calquera outro ingreso de dereito público de carácter non periódico ou de periodicidade inferior ó ano: EXEC.

*Data do acordo municipal de delegación.

*Número de BOP no que foi publicado o acordo municipal.

*Data do BOP no que foi publicado o acordo municipal.

*Data do acordo de aceptación da delegación pola deputación provincial.

Outras claves utilizadas no anexo citado son as seguintes:

-PRS: pendente da reestructuración dos servicios municipais.

-PMO: pendente da modificación das correspondentes ordenanzas fiscais.

Por outra banda, o Consorcio das Mariñas adoptou, con data do 14 de setembro de 2001, o seguinte acordo:

Delegar na Deputación Provincial da Coruña as seguintes competencias:

Recadación voluntaria das cotas correspondentes á taxa por recolla e tratamento de residuos sólidos urbanos deste consorcio, a excepción daquelas cotas

que se recaden conxuntamente coa taxa por subministración de auga por medio das empresas subministradoras.

Recadación executiva de tódalas débedas correspondentes á taxa por recolla e tratamento de residuos sólidos urbanos que non sexan ingresadas en período voluntario.

Esta delegación rexerase polo disposto nas «Bases para a prestación de servicios tributarios ós concellos da provincia» aprobadas, pola deputación provincial na sesión celebrada o día 29 de xuño de 2001 e publicadas no BOP número 155, do 7 de xullo do mesmo ano, que son aceptadas por este consorcio, aínda que non será de aplicación o número 1º da base terceira (contido mínimo), dada a propia natureza do consorcio, e substituíndo nelas os termos «concellos» e «concello» polo termo «Consorcio das Mariñas».

O dito acordo foi publicado no BOP nº 252, do 3 de novembro de 2001.

Pola súa vez, a Deputación Provincial da Coruña, mediante acordo adoptado na sesión plenaria celebrada o día 26 de outubro de 2001, aceptou esta delegación. O dito acordo foi publicado no BOP nº 249, do 30 de outubro de 2001.

O que se publica para xeral coñecemento, en cumprimento do disposto no art. 7 da Lei 39/1988, do 28 de decembro, reguladora das facendas locais.

A Coruña, 15 de xaneiro de 2002.

José Luis Torres Colomer

Presidente da Deputación Provincial da Coruña

José Luis Almau Supervía

Secretario xeral da Deputación Provincial da Coruña

ANEXO