Aprobado inicialmente pola Comisión de Goberno, en sesión celebrada o día 3 de xaneiro de 2002 o prego de condicións que rexerá o concurso público urxente, polo procedemento aberto, da concesión administrativa do servicio de funcionamento do matadoiro municipal de Vila de Cruces, exponse ó público por un prazo de oito días hábiles, para os efectos de que os interesados poidan examinalo e formula-las alegacións que consideren oportunas.
Pola súa vez convócase licitación pública para a adxudicación da referida contratación, podendo os interesados presenta-las proposicións, conforme o disposto nas correspondentes cláusulas do prego de condicións, no prazo de oito días naturais, contados a partir do seguinte ó da publicación do presente edicto no BOP, ben que a licitación quedaría aprazada no suposto de presentarse reclamacións contra
o prego, reiniciándose, o que reste, a partir do día seguinte ó da resolución das alegacións.
Vila de Cruces, 10 de xaneiro de 2002.
O alcalde-presidente
Rubricado