Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 939/2001 seguidos por instancia de Jorge García López e outros contra Dacoilcor, S.L. sobre despedimento, nos que recaeu sentencia en data 18-1-2002 que, copiada nos particulares necesarios, di así:
Que, estimando a demanda formulada por Jorge García López, Eugenio Sánchez Louzán e Manuel del Llano Suárez, declaro a improcedencia do seu despedimento e debido á situación de desaparecida da empresa, declaro a extinción do contrato de traballo en data da presente resolución, e condeno a empresa Dacoilcor, S.L. a que os indemnice coa cantidade de 4.285,17 euros a Jorge García López, 2.989,95 euros a Eugenio Sánchez Louzán, 3.080,44 euros a Manuel del Llano Suárez, con aboamento
en todo caso dos salarios deixados de percibir desde a data do despedimento ata a da notificación desta sentencia, que ascenden á cantidade de 2.795,51 a Jorge García López, 1.950,55 euros a Eugenio Sánchez Louzán e 2.009,58 euros a Manuel del Llano Suárez.
Notifíqueselles esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.
Prevese a empresa demandada de que para recorrer deberá acreditar ter ingresado na c/c de consignacións, código 5604.0000.60 939-2001 do banco BBVA desta cidade, denominada Conta do Xulgado do Social número tres o importe da condena e 150,25 euros en concepto de depósito, requisitos sen os cales non será admitido a trámite o recurso quedando firme a sentencia.
Así, por esta miña sentencia da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.
E para que conste, para efectos da súa publicación no Diario Oficial de Galicia co fin de que sirva de notificación en forma á empresa Dacoilcor, S.L., expido e asino esta cédula na Coruña o 18 de xaneiro de 2002.
O secretario xudicial
Rubricado