Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos nº 704/2001 por instancia de José Antonio Loureiro Rodríguez e outros contra

SBG, S.L. sobre salarios, nos que recaeu sentencia con data do 17-1-2002 que, copiada nos particulares necesario, di así:

Que, estimando a demanda formulada por José Antonio Loureiro Rodríguez, Francisco J. Chas Freire, Luis Pan Álvarez, José Manuel Santiso Naya e Felipe Manuel Hortas Formoso, contra a empresa SBG, S.L., condeno a empresa a aboárlle-la cantidade de 3.093,95 euros ó señor Loureiro Rodríguez, 2.934,39 euros ó señor Chas Freire, 3.138,77 euros ó señor Pan Álvarez, 3.152,36 euros o señor Santiso Naya e 2.637,17 euros a Hortas Formoso, que lles debe en concepto de salarios.

Notifíqueselles esta resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, no prazo de cinco días hábiles a partir do día seguinte ó da súa notificación.

Prevese a empresa demandada de que para recorrer deberá acreditar ter ingresado na c/c de consignacións, código 5604.0000.60 704-2001 do banco BBVA desta cidade, denominada Conta do Xulgado do Social número tres o importe da condena e 25.000 pesetas en concepto de depósito, requisitos sen os cales non será admitido a trámite o recurso quedando firme a sentencia.

Así, por esta miña sentencia da que se unirá certificación ós autos orixinais para a súa notificación e cumprimento, xulgando pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación en forma á empresa SBG, S.L., expido e asino esta cédula na Coruña o 17 de xaneiro de 2002.

O secretario xudicial

Rubricado