DOG 33 do 14/02/2002 - RESOLUCIÓN do 6 de febreiro de 2002, da Dirección Xeral da Función Pública, pola que se aproban e se fan públicas as relacións provisionais de admitidos ás probas selectivas para o ingreso no corpo superior de Administración da Xunta de Galicia (grupo A), escala superior de estatísticos.

IV. OPOSICIÓNS E CONCURSOS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

RESOLUCIÓN do 6 de febreiro de 2002, da Dirección Xeral da Función Pública, pola que se aproban e se fan públicas as relacións provisionais de admitidos ás probas selectivas para o ingreso no corpo superior de Administración da Xunta de Galicia (grupo A), escala superior de estatísticos.

De conformidade co establecido no artigo 12 do Regulamento de selección de persoal da Administración da Comunidade Autónoma de Galicia e na base I.4 das que rexen o proceso selectivo convocado pola orde da Consellería da Presidencia e Administración Pública do 12 de decembro de 2001, publicada no Diario Oficial de Galicia número 245, do 20 de decembro, esta dirección xeral

RESOLVE:

Aproba-las listas provisionais de admitidos ás probas selectivas para o ingreso no corpo superior de Administración da Xunta de Galicia (grupo A), escala superior de estatísticos.

A lista de aspirantes admitidos estará exposta nos taboleiros de anuncios da Consellería da Presidencia, Relacións Institucionais e Administración Pública e nos das súas delegacións provinciais, no da Delegación Territorial da Consellería de Pesca e Asuntos Marítimos en Vigo, e nas oficinas comarcais da Xunta de Galicia.

Para efectos de información, o teléfono de contacto é o 902 12 00 12 das 9 ás 19 horas de luns a venres e das 9 ás 14 horas os sábados.

Os aspirantes que non figuren na lista de admitidos disporán dun prazo de dez días, contados a partir do seguinte ó da publicación desta resolución, co obxecto de formularen reclamacións.

Santiago de Compostela, 6 de febreiro de 2002.

Joaquín López-Rúa Soler

Director xeral da Función Pública