Aprobado inicialmente, pola Comisión Municipal de Goberno do Concello de Cangas, con data do 24 de xaneiro de 2002, o proxecto de urbanización da unidade de actuación nº 21.1, redactado por Construcciones y Promociones Rodeiriña, S.L., sométese a información pública, por un período dun mes, para efectos de reclamacións, contado a partir do día seguinte ó da súa publicación no Diario Oficial de Galicia e nun dos xornais de maior circulación da provincia, de conformidade co sinalado no artigo 44.3º da Lei 1/1997, do 24 de marzo, do solo de Galicia. O anuncio serve de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios interesados directamente afectados que, por resultaren descoñecidos ou por se ignora-lo seu enderezo, non poidan ser notificados persoalmente, entendéndose definitivamente aprobado se non se presentan reclamacións.

Cangas, 24 de xaneiro de 2002.

José Enrique Sotelo Villar

Alcalde