Vista a acta da revisión salarial do convenio colectivo para a empresa Transportes La Unión, S.A., con nº de código 3601322, que tivo entrada nesta delegación provincial o día 7-12-2001, subscrita en representación da parte económica pola representación da empresa, e da parte social polo comité de empresa, con data do 24-11-2001. De conformidade co disposto no artigo 7 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo, e Real decreto 2412/1982, do 24 de xullo, sobre traspaso de funcións e servicios da Administración
do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 18 de decembro de 2001.
Antonio Coello Bufill
Delegado provincial de Pontevedra
Convenio colectivo da empresa
Transportes La Unión, S.A.
Acta 3ª
Representación económica:
Juan Manuel Gómez Piña.
Javier Lorenzo González.
Leandro Arruti Baqueiro.
Representación social:
Manuel Méndez Rico.
Dositeo Peón Amoedo.
Ignacio Estévez González.
Manuel Rivas Vidal.
Manuel Carmuega Gamallo.
Fernando Trigo Fabeiro.
Nos locais da empresa, sita na rúa Salvador Moreno 155, de Pontevedra, ás 11 horas do día 24 de novembro de 2001, reúnense as representacións social e económica da empresa Transportes La Unión, S.A., para continuar coa negociación da táboa salarial para o ano 2001 do seu convenio colectivo de traballo, así como de aspectos do propio convenio.
Tras longo debate sobre o incremento da táboa salarial para o ano 2001, por acordo unánime de tódolos presentes fíxase a suba da táboa salarial e demais complementos económicos que establece o convenio nun 4,75%, con efectos do día 1-1-2001, que se aplicará a partir da nómina deste mes de novembro.
Así mesmo, e dado que a empresa realizou unha entrega a conta da suba salarial do 4% desde xaneiro a outubro de 2001, aboarase coa nómina de novembro o 0,75% restante desde xaneiro a outubro de 2001.
Acórdase, igualmente, regulariza-las cantidades devengadas en concepto de axudas de custo desde xaneiro a outubro de 2001 conforme a suba salarial do 4,75%.
E non habendo máis asuntos que tratar, levántase esta acta, que asinan tódolos asistentes no lugar e data al principio indicados.
A) Táboa de salarios desde o 1-1-2001 ó 31-12-2001.
Persoal administrativo Pesetas/mes Pesetas/h. extra
Xefe de servicio 163.901 1.883
Enxeñeiros e licenciados 142.845 1.642
Xefe de negociado 113.874 1.308
Oficial de primeira 102.989 1.185
Oficial de segunda 96.283 1.107
Auxiliar administrativo 87.095 1.001
Persoal de movemento Pesetas/mes Pesetas/h. extra
Xefe de tráfico de primeira 123.662 1.423
Xefe de tráfico de segunda 119.263 1.371
Xefe de tráfico de terceira 112.090 1.289
Expendedores/as de billetes 95.531 1.085
Persoal de movemento Pesetas/día Pesetas/h. extra
Inspector 3.549 931
Conductor-perceptor 3.474 911
Conductor 3.412 897
Cobrador 2.977 784
Mozo de administración 2.839 746
Persoal de talleres Pesetas/mes Pesetas/h. extra
Xefe de taller 141.729 1.629
Encargado de taller 110.726 1.273
Persoal de talleres Pesetas/día Pesetas/h. extra
Xefe de equipo 3.709 974
Oficial de primeira 3.572 938
Oficial de segunda 3.405 895
Oficial de terceira 3.258 856
Aprendices Salario mínimo segundo idade en cada caso
B) Outros conceptos.
1. Axudas de custo:
-Servicio de liña regular en Galicia: 1.257 pesetas comida; 1.257 pesetas cea e 1.655 pesetas pernoita.
-Servicio discrecional en España e Portugal: 2.111 pesetas comida; 2.111 pesetas cea e 2.524 pesetas pernoita.
-Resto de países non mencionados anteriormente: 3.017 pesetas comida; 3.017 pesetas cea e 3.823 pesetas pernoita.
2. Quebranto de moeda: 136 pesetas/día.
Pontevedra, 24 de novembro de 2001.
CONSELLERÍA DE FAMILIA E PROMOCIÓN DO EMPREGO,
MULLER E XUVENTUDE