A Comisión de Goberno, en sesión realizada o 18 de xaneiro de 2002, adoptou, entre outros, o seguinte acordo:
Primeiro.-Aprobar inicialmente o Plan especial de reforma interior, no desenvolvemento da ordenanza de transformación 7D4.01, estrada dos Fortes, promovido por Construcciones Fontenla, S.A.
Segundo.-Proceder á exposición pública do expediente, polo prazo dun mes, mediante anuncio no Diario Oficial de Galicia e nos periódicos de maior circulación da provincia.
O que se fai público para xeral coñecemento, co fin de que á vista do expediente se poidan formula-las alegacións que se consideren pertinentes durante o prazo dun mes contado a partir do día seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, Oficina de Planeamento, sito na avenida da Mariña, número 18, en horario laboral de 12 a 14 horas, de luns a venres.
Os gastos de publicación deste anuncio aboaraos o seu promotor.
A Coruña, 23 de xaneiro de 2002.
Salvador Fernández Moreda
Concelleiro delegado de Urbanismo