Francisco Castiñeiras Fernández, secretario do Xulgado de Primeira Instancia e Instrucción número tres de Santiago de Compostela, dou fe e testemuño que no xuízo de faltas número 405/2001, dictouse a presente sentencia, que no seu encabezamento e parte dispositiva di:
«Xulgado de Primeira Instancia e Instrucción número tres de Santiago de Compostela.
Procedemento de xuízo de faltas número 405/2001.
En Santiago de Compostela, o 22 de novembro de 2001.
No nome de El-Rei.
Leonor Castro Calvo, maxistrada-xuíza do Xulgado de Primeira Instancia e Instrucción, tendo vista e oída en xuízo oral e público a presente causa de xuízo de faltas número 405/2001, seguida por unha falta de realización de actividades sen seguro obrigatorio (636), na que foron parte ademais do Ministerio Fiscal, o axente co número de identificación P-93205-X pertencente á Agrupación de Tráfico da Garda Civil (Destacamento de Santiago de Compostela) denunciante e como denunciado Paulino Manuel Iglesias Domínguez, pronunciou a seguinte sentencia:
Decisión:
Que debo absolver e absolvo do feito de orixe destas actuacións ó denunciado Paulino Manuel Iglesias Domínguez, declarando de oficio as custas desta instancia.
A presente resolución non é firme e contra esta cabe interpoñer recurso de apelación en ámbolos dous efectos neste xulgado para ante a Audiencia Provincial da Coruña -Sección Sexta- con sede en Santiago de Compostela, no prazo de cinco días desde a súa notificación.
Así, por esta miña sentencia, pronúncioo, mándoo e asínoo».
E para que conste e sirva de notificación de sentencia a Paulino Manuel Iglesias Domínguez, actualmente en paradoiro descoñecido, e a súa publicación no Diario Oficial de Galicia, expido o presente edicto en Santiago de Compostela o 21 de decembro de 2001.
O secretario
Rubricado