En cumprimento do disposto no artigo 2.4º do Decreto 327/1991, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días hábiles, someterase o estudio de efectos ambientais ó trámite de información pública, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de vinte días hábiles, contados a partir da publicación da presente resolución, o proxecto de explotación, o estudio de efectos ambientais e o plan de restauración do pase a concesión de explotación Madanela, nº 2737, situada en terreos dos concellos de Tomiño e Oia, provincia de Pontevedra, e solicitado por Granitos Tebra, S.L.
Para os efectos informativos porase á disposición dos administrados que o soliciten un exemplar para consulta nas oficinas desta dirección xeral, nas dependencias da Delegación Provincial de Medio Ambiente correspondente, así como nos concellos de Tomiño e Oia, e as alegacións formularanse durante o prazo sinalado nas mesmas oficinas.
Santiago de Compostela, 3 de outubro de 2001.
Ramón Ordás Badía
Director xeral de Industria