O Consello da Xerencia Municipal de Urbanismo en sesión do día 20 de decembro de 2001, acordou:
Primeiro.-Aprobar inicialmente o proxecto de urbanización da U.E. V-F do PERI Aragón-travesa de Vigo, presentado pola entidade Gestiones Urbanísticas y de Negocios, S.L., que desenvolve o estudio de detalle aprobado definitivamente polo Concello Pleno con data do 25 de xaneiro de 2001 (expediente 4294/401).
Segundo.-Somete-lo acordo de aprobación inicial ó trámite de información pública polo prazo dun mes, mediante anuncios no DOG e nun dos xornais de maior circulación da provincia e notificación individual ós propietarios dos terreos afectados.
Procédese ó trámite de información pública do expediente. O prazo entenderase aberto desde a primeira publicación, ata ó remate do mes, contado desde o día seguinte ó da derradeira publicación. O expediente está á disposición do público no Departamento de Información Urbanística da Xerencia de Urbanismo (planta baixa do edificio da Xerencia).
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados.
Vigo, 10 de xaneiro de 2002.
Lois Pérez Castrillo
Alcalde-presidente da Xerencia Municipal
de Urbanismo