Sométese ó trámite de información pública o proxecto de compensación do polígono I PERI II-12 A Florida B, presentado por Santiago Castro Paz como presidente do consello rector da xunta de compensación deste polígono, polo prazo de vinte días, mediante inserción de anuncio no DOG segundo o establecido no artigo 102 da Lei 1/1997, do 24 de marzo, do solo de Galicia.

Significando que o prazo de exposición pública entenderase aberto desde a data de publicación do devandito anuncio.

A documentación atópase na oficina de Información Pública da Xerencia Municipal de Urbanismo sita na planta baixa da Xerencia.

O presente anuncio servirá de notificación nos termos do artigo 59.4º da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 12 de decembro de 2001.

Lois Pérez Castrillo

Alcalde-presidente da Xerencia Municipal

de Urbanismo