O Pleno do Concello de Cambre, na súa sesión de data 29 de novembro do ano que andamos, acor

dou aprobar definitivamente o estudio de detalle para completar e readaptar aliñacións e rasantes, así como para ordenar volumes de unidade básica situada na estrada Cambre-Temple, na entrada do núcleo urbano de Cambre, Cambre, elaborado polo arquitecto José Miguel Vázquez García, e promovido por Alfonso Salazar Martínez, en representación de Procorsa, S.L.

O que se fai público de conformidade co establecido no artigo 48.2º da Lei 1/1997, do solo de Galicia.

Esta resolución, de conformidade co establecido no artigo 109 da Lei 30/1992, pon fin á vía administrativa. A teor do establecido nos artigos 107 e 116 da citada lei poderá recorrerse potestativamente en reposición ou impugnala directamente ante a xurisdicción contencioso-administrativa.

O prazo para interpoñe-lo recurso de reposición é dun mes contado desde o día seguinte á última publicación deste anuncio e deberá presentalo ante o mesmo órgano que a dictou, segundo o establecido no artigo 117 da Lei 30/1992.

O prazo para interpoñe-lo recurso contencioso-administrativo é de dous meses contados desde o día seguinte á última publicación deste anuncio, e deberá presentalo perante o Xulgado do Contencioso-Administrativo da Coruña ou na Sala do Contencioso-Administrativo do Tribunal Superior de Xustiza de Galicia, segundo a distribución competencial establecida nos artigos 8 e 10 da Lei 29/1998, do 13 de xullo, reguladora da xurisdicción contencioso-administrativa, todo isto sen prexuízo de que poida exercer, de se-lo caso, calquera outro recurso que estime procedente.

Cambre, 5 de decembro de 2001.

Antonio Varela Saavedra

Alcalde