O Pleno da Corporación, en sesión do vintesete de outubro de dous mil un, adoptou o seguinte acordo:
«Primeiro.-Recoñecer, de conformidade co disposto no artigo 105.2º da Lei 30/1992, do 26 de novembro, de réxime xurídico das administracións públicas e do procedemento administrativo común, na redacción conferida pola Lei 4/1999, do 13 de xaneiro, a existencia dun erro na documentación de carácter gráfica do Plan Xeral de Ordenación Urbana, no que se refire á amplitude viaria da rúa Faustino
Santalices, por corresponderlle efectivamente o debuxado de 10 metros sobre as edificacións existentes.
Segundo.-Comunica-lo presente acordo á Consellería de Política Territorial, Obras Públicas e Vivenda da Xunta de Galicia e publicalo no BOP e no Diario Oficial de Galicia.
Terceiro.-Propoñerlle á Comisión de Goberno, por delegación da alcaldía, a aprobación definitiva do proxecto de urbanización da prolongación da rúa Faustino Santalices, promovido por Promociones Inmobiliarias Amco, S.L. e redactado polo arquitecto Ricardo Aguilar Argenti, composto do documento visado pola delegación en Pontevedra do Colexio Oficial de Arquitectos de Galicia en data 7-3-2001 e un anexo á memoria e novo plano nº 3, que reforman e anulan os correlativos daquel, e que se efectúen as comunicacións e publicacións preceptivas nos termos da lexislación sobre réxime do solo e ordenación urbana».
O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que o dictou e no prazo dun mes contado desde o día seguinte ó da súa modificación, consonte o establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso-administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.
De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º desa Lei 30/1992, podéndose entón interpoñer recurso contencioso-administrativo dentro do prazo de seis meses contados desde o día seguinte ó daquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.
Non obstante, tamén se poderá interpoñer calquera outro recurso que os interesados estimen procedente consonte a dereito.
Pontevedra, 27 de novembro de 2001.
Julio Dapena Outomuro
Secretario xeral
P.D.
Xosé Cesáreo Mosquera Lorenzo
Tenente-alcalde delegado da Área de Urbanismo
e Medio Ambiente