Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa.
Domicilio social: avda. de Arteixo, 171, 15007 A Coruña.
Denominación: L.M.T., C.T. e R.B.T. estrada Foilebar.
Situación: O Incio.
Descricións técnicas: L.M.T. subterránea a 20 kV con lonxitude de 0,51 km, con orixe na L.M.T. a C.T. Cruz do Incio, conductor tipo R.H.V. e final no C.T. estrada de Foilebar. C.T. no prefabricado, con potencia de 400 kVA e unha relación de transformación de 20.000/380-220 V. R.B.T. subterránea con lonxitude de 0,045 km, con orixe no C.T. estrada de Foilebar, conductor tipo R.V.
Cumpridos os trámites ordenados na Lei 54/1997, do 27 de novembro, e no capítulo VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.
Lugo, 22 de novembro de 2001.
Jesús Bendaña Suárez
Delegado provincial de Lugo