En cumprimento da normativa ambiental vixente así como do resultado da cualificación ambiental do proxecto resolta pola Consellería de Medio Ambiente, e seguindo a tramitación de urxencia, durante quince (15) días, o órgano substantivo someterá o estudio de impacto ambiental a información publica mediante o correspondente anuncio no Diario Oficial de Galicia.
Na súa virtude,
RESOLVO:
Primeiro.-Someter a información pública o estudio de impacto ambiental do proxecto correspondente á concesión administrativa solicitada por Ronáutica, S.A. para a construcción e explotación de instalacións para a náutica recreativa en Baiona (Pontevedra).
Segundo.-Para os efectos informativos poranse á disposición dos administrados exemplares na seguintes dependencias:
-Dirección Xeral de Calidade e Avaliación Ambiental.
-Servicios centrais do ente público Portos de Galicia.
Terceiro.-As alegacións formularanse durante o prazo de quince (15) días contados a partir do seguinte ó da publicación desta resolución no Diario Oficial de Galicia.
Santiago de Compostela, 17 de decembro de 2001.
Emilio García Gallego
Presidente do ente público Portos de Galicia