De conformidade co establecido no artigo 59.4º da Lei de réxime xurídico das administracións públicas e do procedemento administrativo común, por este edicto ponse en coñecemento da empresa Patiola, S.L., titular do expediente 99/0097/CO, relativo á solicitude de concesión de axuda a fondo perdido por creación e mantemento de emprego estable que, atopándose incompleto o expediente de referencia, se lle concede un prazo de dez días desde a publicación deste anuncio para que presente a seguinte documentación:
-Escrito explicativo do volume de vendas que a empresa ten previsto acadar, así como a desagregación das ditas vendas por productos.
-Cadro de distribución do emprego que se vai crear, atendendo as tarefas que se van realizar en cada posto de traballo.
O expediente ponse de manifesto á entidade neste centro directivo sito en Santiago de Compostela; complexo administrativo San Lázaro, logo de petición de hora, ó teléfono 981 54 11 56 de luns a venres das 8.30 ás 14 horas.
Santiago de Compostela, 19 de decembro de 2001.
Margarita Rodríguez Rama
Directora xeral do Instituto Galego de Promoción Económica