De conformidade co establecido no artigo 59.4º da Lei de réxime xurídico das administracións públicas e do procedemento administrativo común, por este edicto ponse en coñecemento de Termolisis Somozas, S.A., titular do expediente 97/0024/CO, relativo a axuda ós proxectos empresariais de investimento que contribúan á creación e mantemento de emprego estable (Orde do 7 de xullo de 1997; DOG nº 139, do 21 de xullo), que, con data do 25 de outubro de 2001, o presidente do Igape acordou iniciar expediente de incumprimento, ó considerar que a entidade non acreditou ningunha das condicións establecidas na resolución de concesión do 1 de marzo de 1999.

Os actos obxecto deste anuncio non se publican na súa integridade en virtude da cautela prevista no artigo 61 da Lei 30/1992, do 26 de novembro,

de réxime xurídico das administracións públicas e do procedemento administrativo común. O expediente ponse de manifesto á entidade neste centro directivo sito en Santiago de Compostela; complexo administrativo San Lázaro, s/n, e concédeselle un prazo de quince días desde a súa publicación no Diario Oficial de Galicia para que alegue e presente os documentos e xustificantes que considere pertinentes ó seu dereito.

Santiago de Compostela, 19 de decembro de 2001.

Margarita Rodríguez Rama

Directora xeral do Instituto Galego de Promoción Económica