1. Alcance da información pública; lexislación.

Sométese a información pública a solicitude presentada por Eólicas del Sil, S.A. de autorización administrativa e declaración de utilidade pública, aprobación do proxecto de execución e do proxecto sectorial de incidencia supramunicipal e o estudio ambiental do parque eólico Ampliación de Serra do Burgo.

A lexislación que basicamente é de aplicación para os efectos anteriores é a seguinte: Lei 54/1997, do 27 de novembro, do sector eléctrico e Real decreto 1955/2000, do 1 de decembro, que a desenvolve; Decreto 205/1995, polo que se regula o aproveitamento da enerxía eólica na Comunidade Autónoma de Galicia, de aplicación ó presente expediente polo indicado na disposición transitoria terceira do Decreto 302/2001, do 25 de outubro (DOG 5 de decembro); Lei 10/1995, de ordenación do territorio de Galicia; Lei 1/1995, do 2 de xaneiro, de protección ambiental de Galicia e Decreto 442/1990, do 13 de setembro, de avaliación de impacto ambiental para Galicia e Real decreto 1131/1988, do 30 de setembro, polo que se aproba o regulamento de execución do Real decreto lexislativo 1302/1988, do 28 de xuño, de avaliación do impacto ambiental e as súas posteriores modificacións.

2. Características básicas do proxecto.

a) Peticionario: Eólicas del Sil, S.A.

b) Enderezo do peticionario: avda. do Cruceiro da Coruña nº 201A; 15705 Santiago de Compostela.

c) Denominación: parque eólico ampliación de Serra do Burgo.

d) Situación: concellos de Montederramo e Chandrexa de Queixa (Ourense).

Coordenadas poligonais en unidades U.T.M.

Punto 1 (627000, 4683350); punto 2 (630000, 4683350); punto 3 (631000, 4686000); punto 4 (633000, 4688000); punto 5 (635000, 4688000); punto 6 (635000, 4688000); punto 7 (627000, 4680000).

e) Finalidade: producción de enerxía eléctrica a partir da enerxía eólica.

f) Datos técnicos:

-Conxunto de 14 aeroxeradores de 850 kW/u, que suman unha potencia bruta total de 11,9 MW, equipados con turbina, multiplicaodr e xerador eléctrico situados no alto dunha torre de aceiro de 55 m de altura, cimentada sobre zapata de formigón armado.

-Interconexión dos aeroxeradores con dous circuítos eléctricos enterrados, a 20 kV, independentes entre si, de 8,5 MW, que enlaza coa subestación de Serra do Burgo, e 3,4 MW, que enlaza co circuíto B-2 do parque eólico Serra do Burgo.

-C.T. para instalar en cada aeroxerador de 900 kVA de potencia e r/t 0,690/20 kV, cos elementos de protección e auxiliares necesarios.

-Sistemas de control e supervisión.

g) Orzamento: 1.482.350.368 pesetas, equivalentes a 8.909.105,14 euros.

3. Urxente ocupación: o peticionario, ó abeiro do título IX da Lei 54/1997, do 27 de novembro, do sector eléctrico, solicita así mesmo a declaración de utilidade pública das instalacións, o que, segundo o sinalado no artigo 54 daquela, levará implícita en todo caso a necesidade de ocupación dos bens ou de adquisicións dos dereitos afectados -os cales se describen na relación adxunta- e implicará a urxente ocupación para os efectos do artigo 52 da Lei de expropiación forzosa.

4. Estudio ambiental: o estudio ambiental do parque eólico sométese a información pública en aplicación da normativa indicada no punto 1, e pode ser examinado nas dependencias seguintes: Dirección Xeral de Industria; Dirección Xeral de Calidade e Avaliación Ambiental; delegacións provincias en Ourense das consellerías de Industria e Comercio e Medio Ambiente e nos concellos afectados.

5. Proxecto sectorial de incidencia supramunicipal: ten por obxecto realiza-la ordenación do territorio do parque eólico, o cal se inclúe dentro das superficies outorgadas nos plans eólicos estratéxicos aprobados por resolución da Dirección Xeral de Industria do 29-12-1995, (DOG nº 51, do 12 de marzo de 1996)

6. Alegacións: os interesados e os seus representantes poden examina-lo expediente nas oficinas desta delegación provincial, rúa Curros Enríquez, nº 1, 4º de Ourense; tamén nos organismos citados no punto 4 no que se respecta ó estudio ambiental, e presentar, de se-lo caso, as alegacións que crean oportunas no prazo de trinta días contados a partir da última publicación deste anuncio.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación, con traslado ó Ministerio Fiscal das dilixencias que se produzan.

Ourense, 14 de decembro de 2001.

Alfredo Cacharro Pardo

Delegado provincial de Ourense

Relación de bens e dereitos afectados parque eólico ampliación Serra do Burgo, termo municipal de Chandrexa de Queixa (Ourense)

Relación de bens e dereitos afectados parque eólico ampliación Serra do Burgo, termo municipal de Montederramo (Ourense)