O Pleno do concello, en sesión realizada o 14 de decembro de 2001, adoptou, entre outros, o seguinte acordo:
Primeiro.-Aprobar inicialmente a modificación puntual do PXOM para a recualificación do antigo vertedoiro de residuos sólidos urbanos de Bens, como sistema xeral de espacios libres.
Segundo.-Someter a información pública o documento da modificación polo prazo dun mes, anunciándose no DOG e nos xornais La Voz de Galicia e El Ideal Gallego.
Terceiro.-Remitir un exemplar da modificación á Consellería de Política Territorial, Obras Públicas e Vivenda e á deputación provincial, para que emitan o informe no prazo dun mes, así como ós organismos competentes en materia de costas.
Cuarto.-Dilixenciar planos e documentos.
O que se fai público para xeral coñecemento, con fin de que á vista do expediente se poidan formula-las alegacións que se consideren pertinentes durante o prazo dun mes, contado a partir do día seguinte ó da publicación deste anuncio no Diario Oficial de Galicia. O expediente pode consultarse no Servicio de Urbanismo, oficina de Planeamento, sito na avenida da Mariña, número 18, en horario laboral das 12 ás 14 horas, de luns a venres.
A Coruña, 18 de decembro de 2001.
Salvador Fernández Moreda
Concelleiro delegado de Urbanismo