En cumprimento do disposto no artigo 2.4º do Decreto 327/1991, de avaliación dos efectos ambientais para Galicia (DOG número 199, do 15 de novembro), e durante o prazo de vinte días hábiles, someterase o estudio de efectos ambientais ó trámite de información pública, mediante anuncio no Diario Oficial de Galicia. Na súa virtude,
RESOLVO:
Someter a información pública, por un prazo de vinte días hábiles, contados a partir da publicación da presente resolución, o proxecto de explotación, o estudio de efectos ambientais e o plan de restauración da canteira Ampliación a Lucy, situada en terreos do concello da Pobra de Brollón, provincia de Lugo, e solicitado por José Ferrín Martínez.
Para os efectos informativos porase á disposición dos administrados que o soliciten un exemplar dos documentos para consulta nas oficinas desta dirección xeral, nas dependencias das delegacións provinciais de Industria e Medio Ambiente correspondentes, así como no Concello da Pobra de Brollón, e as alegacións formularanse durante o prazo sinalado nas mesmas oficinas.
Santiago de Compostela, 9 de novembro de 2001.
Ramón Ordás Badía
Director xeral de Industria