O artigo 5.2º do Decreto 442/1990, de avaliación do impacto ambiental para Galicia (DOG número 188, do 25 de setembro), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia.
Na súa virtude:
RESOLVO:
Someter a información pública, por un prazo de trinta días hábiles, contados a partir da publicación da presente resolución, o proxecto de explotación, o estudio de impacto ambiental e o plan de restauración do pase a concesión de explotación Lorena I, nº 4729-1, situada en terreos do concello da Gudiña, provincia de Ourense, e solicitado por Alberto Villaverde Seoane.
Para os efectos informativos porase á disposición dos administrados que o soliciten un exemplar dos documentos para consulta nas oficinas desta dirección xeral así como nas dependencias da Consellería Provincial de Industria correspondente e as alegacións formularanse durante o prazo sinalado nas mesmas oficinas.
Santiago de Compostela, 12 de novembro de 2001.
Ramón Ordás Badía
Director xeral de Industria