Por orde da Consellería de Educación e Ordenación Universitaria, do 12 de xullo de 2001, convocáronse axudas económicas para alumnos e profesores de centros docentes que participen en proxectos de mobilidade transnacional no marco do programa europeo de formación profesional Leonardo da Vinci durante o ano 2001.
Vista a proposta da comisión de selección prevista no artigo 5 da citada orde,
RESOLVO:
Primeiro.-Conceder con cargo ó concepto orzamentario 07.04.322T.481.0, da Dirección Xeral de Ordenación Educativa e Formación Profesional, as axudas que se relacionan no anexo.
Segundo.-De acordo co artigo 7 as axudas serán aboadas da seguinte forma:
As axudas aboaranse unha vez rematada a actividade e logo da súa completa xustificación económica e entrega da memoria de actividades por parte da entidade colaboradora da xestión de axudas públicas, de acordo co establecido no artigo 15 do Decreto 287/2000, do 21 de novembro, achegando a documentación á que fai referencia o punto 2º do artigo 8, no prazo máximo dun mes contado a partir do remate das actividades.
Terceiro.-Obrigacións dos centros beneficiarios.
1. Acepta-la axuda concedida. Neste sentido, se no prazo de quince días, contados a partir da recepción da comunicación pola que se notifica a concesión da axuda, o centro beneficiario non acepta esta, entenderase que renuncia á súa percepción.
2. Facilita-la información requirida e someterse ás accións de comprobación ou control financeiro que poida efectua-la Consellería de Educación e Ordenación Universitaria e os organismos competentes.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memoria.
Os centros beneficiarios enviarán unha memoria das actividades realizadas, que inclúe:
a) Resumo do desenvolvemento da actividade realizada.
b) Obxectivos conseguidos.
c) Procedemento de avaliación utilizado, resultados obtidos e difusión que se realizou deles.
3.2. Xustificación de gastos efectuados.
No caso de centros educativos, unha certificación do consello escolar do centro aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
No caso de centros de formación continuada do profesorado, certificación do director/a aprobatoria do gasto, xuntando unha relación detallada das facturas e recibos que servirán de xustificantes do proxecto realizado.
Cuarto.-Contra esta resolución os interesados poderán interpoñer recurso potestativo de reposición no prazo dun mes, contado a partir do día seguinte ó da súa publicación no DOG, segundo o disposto na Lei 4/1999 (BOE do 14 de xaneiro), ou ben directamente o recurso contencioso-administrativo, no prazo de dous meses, ante o Tribunal Superior de Xustiza de Galicia.
Santiago de Compostela, 28 de novembro de 2001.
Celso Currás Fernández
Conselleiro de Educación e Ordenación
Universitaria
ANEXO
CENTRO ESCOLAR PROVINCIA TÍTULO DO PROXECTO AXUDA
IES PORTA DA AUGA LUGO OTTO 78.201 pesetas
IES PORTA DA AUGA LUGO EUROMEC, LA MECANICA EN EUROPA 114.390 pesetas
IES DE TEIS PONTEVEDRA SPA PLACEMENTS 232.940 pesetas
IES DE TEIS PONTEVEDRA HAIRDRESSING AND BEAUTY THERAPY IN EUROPE 568.375 pesetas
IES DE TEIS PONTEVEDRA BODYCARE IN SPAS 209.646 pesetas
IES LAMAS DE ABADE A CORUÑA PASTH-EUR 795.991 pesetas
CENTRO ESCOLAR PROVINCIA TÍTULO DO PROXECTO AXUDA
VOCATIONAL HEALTH STUDENTS
IES PASEO DAS PONTES A CORUÑA CURTIDO Y ACABADO DE PIELES 62.395 pesetas
IES AS FONTIÑAS A CORUÑA PROBLEMAS DA XUVENTUDE NA EDUCACIÓN SECUNDARIA E PROFESIONAL 638.922 pesetas
IES MACÍAS O NAMORADO A CORUÑA OÍN-2001 919.978 pesetas
IES MONTE CASTELO LUGO PROFESIONAL EUROPEAN CONTACT FOR
709.636 pesetas
IES ESCOLAS PROVAL PONTEVEDRA PROVAL 2000 1.359.700 pesetas
IES RIBEIRA DO LOURO PONTEVEDRA ELECTRONIC COMMERCE IN EUROPE 1.043.906 pesetas
ESCOLA DE ARTES MESTRE MATEO A CORUÑA STONEMASONRY SKILLS IN EUROPE 896355 pesetas
TOTAL 7.630.435 pesetas
CONSELLERÍA DE CULTURA, COMUNICACIÓN SOCIAL
E TURISMO