A aprobación da nova estructura orgánica da Xunta de Galicia polo Decreto 306/2001, do 15 de decembro, desenvolvido polos decretos 309 e 310/2001, do 17 de decembro, fai necesario adaptar parcialmente o marco de titularidade da xestión establecido no orzamento da Comunidade Autónoma para 2001. Os criterios utilizados responden a razóns de identificación competencial, aínda que nalgún caso obedecen a motivos estrictamente operativos, de xeito que a execución dos créditos e dos expedientes que dela derivan non resulten afectados. Por outra banda, tívose en conta que a peculiaridade representada polo escaso período de tempo que resta ata a finalización do actual exercicio fai aconsellable non modifica-la estructura dos códigos orzamentarios.
Na súa virtude, e conforme a facultade conferida pola disposición derradeira segunda da Lei 4/2000, do 27 de decembro, e a disposición derradeira primeira do Decreto 310/2001, do 15 de decembro, polo que se fixa a estructura orgánica dos departamentos da Xunta de Galicia,
DISPOÑO:
Artigo 1º
Un.-Os créditos recollidos no estado de gastos do orzamento da Comunidade Autónoma para 2001, cos códigos que se detallan a seguir, serán xestionados polas consellerías que se indican:
sección
Código de
Servicio Programa Concepto Consellería
04 03 213A - Emigración e Cooperación Exterior
04 05 111E 790.0 Emigración e Cooperación Exterior
04 13 121A 490.0 Emigración e Cooperación Exterior
04 13 121A 790.0 Emigración e Cooperación Exterior
06 03 342A 710.0 Medio Ambiente
06 03 412A 410.0 Medio Ambiente
06 03 412A 710.0 Medio Ambiente
06 50 - - Medio Ambiente
11 03 - - Asuntos Sociais
23 01 511A 442.0 Política Agroalimentaria e Desenvolvemento Rural
23 01 511A 740.0 Política Agroalimentaria e Desenvolvemento Rural
Dous.-A xestión dos restantes créditos do orzamento de gastos para 2001, asignados a seccións de carácter administrativo, levarana a cabo as consellerías inte
gradas na nova estructura de acordo coa seguinte táboa de equivalencias:
Sección Consellería
04 Presidencia, Relacións Institucionais e Administración Pública
05 Economía e Facenda
06 Política Territorial, Obras Públicas e Vivenda
07 Educación e Ordenación Universitaria
08 Industria e Comercio
09 Política Agroalimentaria e Desenvolvemento Rural
10 Cultura, Comunicación Social e Turismo
11 Sanidade
12 Pesca e Asuntos Marítimos
13 Xustiza, Interior e Relacións Laborais
14 Familia e Promoción do Emprego, Muller e Xuventude
15 Medio Ambiente
16 Asuntos Sociais
17 Emigración e Cooperación Exterior
Tres.-O criterio establecido nos epígrafes precedentes será tamén aplicable á xestión dos créditos incorporados ó orzamento de 2001 procedentes de exercicios anteriores.
Artigo 2º
A codificación do orzamento de gastos para 2001 mantense invariable. En tal sentido, a expedición de documentos de xestión orzamentaria e a súa posterior contabilización continuará realizándose de acordo coas mesmas claves utilizadas no momento da entrada en vigor do Decreto 306/2001, do 15 de decembro, polo que se fixa a estructura orgánica dos departamentos da Xunta de Galicia.
Disposicións derradeiras
Primeira.-A Intervención Xeral da Comunidade Autónoma dictará as instruccións necesarias para a fiscalización dos expedientes derivados da xestión dos créditos ós que se fixo referencia.
Segunda.-Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 18 de decembro de 2001.
José Antonio Orza Fernández
Conselleiro de Economía e Facenda
