De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle ó denunciado cos datos persoais e último enderezo coñecido que se sinala a continuación, a iniciación do correspondente expediente sancionador por infracción á Lei 4/1997, do 25 de xuño de caza de Galicia (DOG do 11 de xullo).

Noméase instructora do procedemento a Paloma Quiroga López e secretaria a Marta Joaquín Tersado, funcionarias da Xunta de Galicia. A resolución será acordada polo delegado provincial da Consellería de Medio Ambiente (Decreto 482/1997, do 30 de decembro, DOG 8-1-1998, polo que se establece a estructura orgánica da Consellería de Medio Ambiente).

O denunciado disporá dun prazo de quince (15) días hábiles, contados a partir do seguinte ó da publicación desta resolución para examina-lo expediente nesta delegación provincial de Medio Ambiente, sita na Ronda da Muralla, nº 70-2º baixo, e presenta-las alegacións e documentos que considere convenientes na súa defensa, así como para a recusación das persoas designadas como instructora e secretaria en calquera momento da tramitación do procedemento.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.

Lugo, 18 de outubro de 2001.

Luis González Vázquez

Delegado provincial de Lugo

ANEXO

Expediente: C-23/2001.

Denunciado: José Ramón Rivera Iglesias.

DNI: 76.531.096.

Enderezo: Acceso Grupo Escolar, nº 6-1º. Viveiro. Lugo.

Feitos imputados.: transportar nun vehículo marca Land Rover, matrícula C-5028-W, unha escopeta desenfundada e lista para o seu uso, aínda que descargada, en época hábil. Feitos constatados o día 30-9-2001, ás 19.15 h, en Monte Maior. Viveiro. Lugo.

Precepto infrinxido: 57.33º da Lei 4/1997, de caza de Galicia.

Cualificación da sanción: leve.

Sanción: 10.000 pesetas.