Examinado o expediente instruído para efectos de outorgamento do permiso de actividade para a explotación dunha estación depuradora, centro de expedición e cetaria, apreciáronse os seguintes

A) Feitos:

Primeiro.-Mediante escrito do 19 de setembro de 2000, Dolores Otero Chouza (DNI 33031653-L), en representación de Dolores Otero Chouza, S.L. (CIF: B15292303), solicitou permiso de actividade para a explotación dunha estación depuradora, centro de expedición e cetaria, na rúa República de El Salvador, 34, Santiago de Compostela (A Coruña).

Segundo.-A interesada achegou a documentación requirida para a tramitación deste tipo de establecementos.

Terceiro.-No expediente consta a seguinte documentación, referida ó resultado da información pública e oficial:

-Anuncio de información pública, publicado no Diario Oficial de Galicia.

-Informe técnico biolóxico.

-Informe urbanístico, do Concello de Santiago de Compostela.

-Informe xurídico do Servicio Técnico-Xurídico.

B) Fundamentos de dereito:

Este órgano é competente para resolve-lo expediente, de conformidade coa Lei 6/1993, do 11 de maio, de pesca de Galicia (DOG nº 101), co Decreto 193/1997, do 5 de xuño, polo que se determinan as condicións para o outorgamento do permiso de actividade para os establecementos de cultivos mariños e auxiliares situados na zona terrestre (DOG nº 142) e coa Orde do 27 de marzo de 2000 (DOG do 5 de abril), pola que se regula o procedemento para o outorgamento do permiso de actividade para establecementos de cultivos mariños e auxiliares na zona terrestre.

Examinadas as disposicións citadas, o artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Outorgarlle a Dolores Otero Chouza, S.L. co CIF nº B15292303, permiso de actividade para a posta en funcionamento e explotación do establecemento auxiliar de cultivos mariños que se indica a continuación:

-Nome: Dolores Otero Chouza, S.L.-Tipo: estación depuradora.-Actividade: eliminación de xermes patóxenos.-Especies: moluscos.-Tipo: centro de expedición.-Actividade: clasificación e envasado.-Especies: moluscos.-Tipo: cetaria.-Actividade: mantemento de crustáceos vivos.-Especies: lumbrigante (Homarus gammarus); lagosta (Palinurus elephas); boi (Cancer pagurus); centola (Maja squinado); nécora (Necora púber) e camarón (Palaemon serratus).-Situación: r/ República de El Salvador nº 34-Santiago de Compostela (A Coruña).-Características das instalacións:

Naves: nº: 1.

Superficie:

Dominio privado: 748 m.

Dominio público: non ocupa.-Estación depuradora:

Piscinas nº: 2.

Superficie total: 7,20 m.-Centro de expedición:

Local nº: 1.

Superficie total: 55,60 m.-Cetaria:

Piscinas nº: 9.

Superficie total: 35,60 m.

Baixo as seguintes condicións:

Primeira.-O permiso de actividade outórgase por un prazo de dez (10) anos, que se contarán a partir do día seguinte ó da publicación da resolución no Diario Oficial de Galicia. Poderá prorrogarse por períodos máximos doutros dez anos, logo de petición do interesado dentro dos 60 días anteriores ó vencemento da súa vixencia.

Segunda.-As obras e instalacións que poderán dar comezo no momento no que o titular dispoña das autorizacións preceptivas dos distintos organismos competentes na materia, levaranse a cabo conforme o proxecto de: reforma-ampliación de instalación existentes da cetaria de crustáceos, situada na r/ República de El Salvador, nº 31 de Santiago de Compostela, subscrito en xaneiro de 2000 polo enxeñeiro técnico industrial Manuel López García, e deberán quedar totalmente rematadas no prazo de 12 meses, contado desde a día seguinte ó da publicación da presente resolución.

Terceira.-A execución das obras e instalacións e o inicio da actividade realizaranse de acordo co disposto nos artigos 5 e 6 da devandita Orde do 27 de marzo de 2000.

Cuarta.-O establecemento non poderá destinarse a usos distintos dos autorizados. Baixo ningún concepto se poderán modifica-las instalacións sen permiso expreso desta consellería.

Quinta.-Os permisos de actividade ós que se refire esta resolución extinguiranse polo incumprimento dalgunha das condicións dela; nos casos previstos no artigo 72, da Lei 6/1993, de pesca de Galicia, e no Decreto 193/1997, do 5 de xuño, ou polo remate do contrato de arrendamento dos locais onde se instala o establecemento.

Sexta.-O outorgamento deste permiso de actividade non exime o seu titular da obtención das licencias, permisos e autorizacións legalmente procedentes.

Sétima.-O titular xustificará o pagamento á Facenda Pública do imposto que grava as concesións e autorizacións (transmisións patrimoniais e actos xurídicos documentados) ou acreditará a declaración de non estar suxeito ó acto do dito imposto, feita pola Delegación de Facenda ou oficina liquidadora correspondente.

Contra esta resolución, que pon fin á vía administrativa, poderase interpoñer recurso potestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción contenciosa-administrativa, no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada por Lei 4/1999, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.

Santiago de Compostela, 14 de noviembre de 2001.

Enrique César López Veiga

Conselleiro de Pesca, Marisqueo e Acuicultura