Intentadas as notificacións directas ás empresas operadoras e ós titulares dos establecementos, en relación cos expedientes sancionadores en materia de xogo que se relacionan na folla anexa, e ó non poderen efectuarse, a Dirección Xeral de Interior e Protección Civil resolve, ó amparo do previsto no artigo 59.4º da Lei 30/1992, de réxime xurídico das administracións públicas e do procedemento administrativo común, proceder á súa notificación mediante a publicación no Diario Oficial de Galicia.

Contra as presentes resolucións, que esgotan a vía administrativa, poderán os interesados interpoñer recurso potestativo de reposición ante o mesmo órgano que as dictou, no prazo dun mes contado a partir do día seguinte ó da notificación desta resolución, de acordo co disposto nos artigos 116 e 117 da Lei 30/1992, do 26 de novembro, de réxime xurídico

das administracións públicas e do procedemento administrativo común, modificada pola Lei 4/1999, do 13 de xaneiro, ou recurso contencioso-administrativo as moi graves, perante a Sala do Contencioso-Administrativo do Tribunal Superior de Xustiza de Galicia e as graves perante o xulgado do contencioso-administrativo correspondente no prazo de dous meses, contado a partir do día seguinte ó da notificación desta resolución, de acordo co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa.

Comunícaselle ó interesado que ten un prazo de quince días hábiles, contados desde o seguinte ó da publicación desta resolución, para efectua-lo pagamento dela en período voluntario nas contas restrinxidas de recadación en cada provincia, a favor do Tesouro da Facenda galega, que se especifica no anexo, o boletín poderán recollelo nas delegacións provinciais da Consellería de Xustiza, Interior e Relacións Laborais. De non efectua-lo pagamento dentro do prazo establecido, procederase á súa execución por vía de constrinximento.

Santiago de Compostela, 12 de novembro de 2001.

José Benito Suárez Costa

Director xeral de Interior e Protección Civil

ANEXO