Vista a documentación existente no expediente 157/2001, remitido polo delegado provincial do IGVS de Ourense, con base nos seguintes:
I. Antecedentes:
1º O delegado provincial do IGVS de Ourense remitiu o expediente de expropiación forzosa, polo procedemento de taxación conxunta, dos bens e dereitos que se precisen ocupar para a execución do parque empresarial de Vilamarín, de conformidade co disposto polo artigo 145 da Lei 1/1997, do 24 de marzo, do solo de Galicia (LSG).
2º O Instituto Galego da Vivenda e Solo, con data do 11 de abril de 2001, acordou inicia-lo expediente de expropiación forzosa mediante o proxecto de taxación conxunta, e sometelo a información pública polo prazo dun mes, anunciándoo no xornal La Región do 27 de abril e no DOG do 26 de abril de 2001.
3º As taxacións foron notificadas individualmente ós que aparecen como titulares de bens e dereitos no expediente, dándolles traslado literal da correspondente folla de valoración e da proposta de fixación dos criterios de valoración, para que formulasen alegacións no prazo dun mes, contado a partir da data de notificación, tal e como sinala o artigo 145.4º da Lei do solo de Galicia.
4º O Instituto Galego da Vivenda e Solo, mediante os seus representantes, emitiu informe individualizado sobre cada unha das alegacións presentadas polos interesados, de conformidade co artigo 145.6º da Lei do solo de Galicia, e remite o expediente de expropiación forzosa a esta consellería para a súa aprobación definitiva.
II. Fundamentos xurídicos:
Primeiro.-O proxecto de expropiación forzosa tramitouse polo procedemento de taxación conxunta, de conformidade co disposto no artigo 145 da Lei do solo de Galicia.
Segundo.-O proxecto de expropiación, polo procedemento de taxación conxunta, ten por obxecto a execución dun parque empresarial no concello de Vilamarín.
En virtude do disposto polo artigo 33 da Lei 6/1998, do 13 de abril, sobre réxime do solo e valoracións, e o artigo 54, en relación cos artigos 124 e 145 da Lei 1/1997, do 24 de marzo, do solo de Galicia, a dita aprobación implica a declaración de utilidade pública das obras e a necesidade da ocupación dos terreos incluídos no ámbito dos polígonos, resultando lexitimada a expropiación proposta.
Terceiro.-O expediente tramitado conta coa documentación preceptiva esixida polo artigo 145.1º da Lei 1/1997, do solo de Galicia:
-Determinación do seu ámbito territorial, cos documentos que o identifican en canto a situación, superficie e lindeiros.
-Fixación de prezos coa valoración razoada do solo, segundo a súa cualificación urbanística.
-Follas de prezo xusto individualizado de cada predio.
-Follas de prezo xusto que corresponden a outras indemnizacións, se é o caso.
Cuarto.-Os criterios de valoración fixados no proxecto de expropiación axústanse ós establecidos polos artigos 23 e seguintes da Lei 6/1998, sobre réxime do solo e valoracións.
Quinto.-A competencia para aproba-lo expediente de expropiación forzosa polo procedemento de taxa
ción conxunta correspóndelle por delegación ó director xeral de Urbanismo, de acordo co artigo 1 da Orde de 30 de decembro de 1999, do conselleiro de Política Territorial, Obras Públicas e Vivenda (DOG do 10 de xaneiro de 2000), pola que se delegan atribucións en materia de urbanismo.
Na súa virtude, vista a Lei 1/1997, do 24 de marzo, do solo de Galicia, a Lei 6/1998, do 13 de abril, sobre réxime do solo e valoracións, e as demais disposicións aplicables, proponse adopta-la seguinte resolución:
Primeiro.-Aprobar definitivamente o proxecto de expropiación forzosa, polo procedemento de taxación conxunta, dos bens e dereitos necesarios para a execución do parque empresarial de Vilamarín, para os efectos previstos polos artigos 145 e 146 da Lei 1/1997, do 24 de marzo, do solo de Galicia, con estimación ou desestimación das alegacións nos termos que aparecen nos informes de contestación a elas, que constan no expediente.
Esta aprobación definitiva do expediente de taxación conxunta implicará a declaración de urxencia da ocupación dos bens e dereitos afectados polo proxecto de expropiación, de conformidade co establecido no artigo 146.1º da Lei do solo de Galicia.
En consecuencia, o pagamento ou depósito do importe da valoración establecida producirá os efectos previstos nos números 6º, 7º e 8º do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto (artigo 146.2º da Lei do solo de Galicia).
Segundo.-Notificarlle o contido desta resolución aprobatoria do expediente ó Instituto Galego da Vivenda e Solo e, de xeito individualizado, a tódolos que aparezan como titulares dos bens e dereitos que figuran no expediente, ós que se lles xuntará a correspondente folla de valoración, conferíndolles un prazo de vinte días, durante o que poderán manifestar por escrito ante esta Dirección Xeral de Urbanismo a súa desconformidade coa valoración establecida no expediente aprobado, de conformidade co disposto polo artigo 145.7º da Lei do solo de Galicia, advertíndoos de que, transcorrido o citado prazo de vinte días sen que se formule oposición á valoración, se entenderá aceptada a que se fixou no acto aprobatorio do expediente, entendéndose determinado o prezo xusto definitivamente e de conformidade (artigo 145.8º da Lei do solo de Galicia).
Terceiro.-Publicar esta resolución, así como a seguinte relación dos bens e dereitos afectados pola expropiación, no Diario Oficial de Galicia e no taboleiro de edictos do concello:
Relación de propietarios afectados pola expropiación forzosa, polo procedemento de taxación conxunta, dos bens e dereitos que se precisen ocupar para a execución do parque empresarial de Vilamarín (Ourense).
predio Titulares Prezo xusto
Nº
7 Mª José Gómez Paradela 228.732 7ª Ignacio e José Álvarez González 223.440
predio Titulares Prezo xusto
Nº
10 Sara e Mercedes Ramona Álvarez González 756.168 12 Sara e Mercedes Ramona Álvarez González 1.714.440 14 Luis Rodríguez Hermida 196.980 22 Luis Rodríguez Hermida 603.876 25 Luis Rodríguez Hermida 474.516 29 Luis Rodríguez Hermida 375.144 31 Luis Rodríguez Hermida 419.244 34 Luis Rodríguez Hermida 255.192 44 Mª Luisa, Manuel e Pedro Pérez López 944.916 45 Alicia González Aranguren 1.404.732 52 Mª Luisa, Manuel e Pedro Pérez López 590.352 53 Rosa Pérez Noguerol 492.156 57 Héctor Lorenzo Carballo 185.220 59 Mª Luisa, Manuel e Pedro Pérez López 113.484 59ª Alicia González Aranguren 41.748 62 Mª Luisa, Manuel e Pedro Pérez López 183.456 67ª Antonio Bóveda Bóveda 411.600 68 Mirta Mª Nóvoa Delgado 228.144 69 Josefa Cao López 2.401.392 70 María Pérez Vázquez 688.548 79 Manuela Sas Lorenzo 1.365.336 92 Mª Luisa, Manuel e Pedro Pérez López 303.996 93 Rosa Pérez Noguerol 362.208 106 Mª Luisa Pérez López 993.720 108 Sara e Mercedes Ramona Álvarez González 1.955.572 109 Luis Rodríguez Hermida 460.992 111 José Silva Rey 4.979.184 120 Mª Luisa, Manuel e Pedro Pérez López 975.492 135 Mª Luisa, Manuel e Pedro Pérez López 242.256 141ª Rosa Rúas Rúas 764.400 141b Elisa Pulido Mosquera 352.800 154 José Silva Rey 441.000 157 Manuel Carballo Álvarez 4.995.900 161 Enrique Lorenzo Carballo 135.240 162ª Mª Luisa, Manuel e Pedro Pérez López 741.468 165 Sara e Mercedes Ramona Álvarez González 4.010.527 167 Herdeiros de José Cougil Vázquez e Lisardo González P. 13.406.368 170 Herdeiros de José Cougil Vázquez e Lisardo González P. 13.600.440 188 Antonio Jaime Manuel Raúl González Vázquez 388.668 189 Mª Isabel Martínez González 269.892 204 Descoñecido 54.096 209 Descoñecido 188.748
Así mesmo, a publicación e exposición no taboleiro de edictos do concello serviralles de notificación ós propietarios descoñecidos, a aqueles dos que se ignore o lugar de notificación, ou ben, tramitada a notificación, non se puidese realizar. Todo isto de conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Cuarto.-Igualmente, notificaráselle o contido desta resolución á Fiscalía da Audiencia Provincial, para os efectos establecidos no artigo 5 da Lei de expropiación forzosa, en relación cos propietarios descoñecidos e os non comparecentes no procedemento expropiatorio.
Contra esta resolución, que pon fin á vía administrativa, poderase interpoñer recurso potestativo de reposición ante o conselleiro de Política Territorial, Obras Públicas e Vivenda, no prazo dun mes contado a partir do día seguinte ó da notificación desta resolución (artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro), ou recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da notificación (artigo 46.1º da Lei 29/1998, do 13 de xullo, reguladora da xurisdicción contencioso-administrativa).
Para o caso de que se interpoña o recurso potestativo de reposición, ata que sexa resolto expresamente ou se produza a desestimación presunta non se poderá interpoñe-lo recurso contencioso-administrativo.
Todo isto sen prexuízo de que, no caso de desconformidade coa valoración establecida, os interesados dispoñen dun prazo de vinte días para manifesta-la súa desconformidade, como se indicou no punto 2 desta resolución, nos termos establecidos polo artigo 145.8º da Lei do solo de Galicia.
Santiago de Compostela, 19 de novembro de 2001.
José Jesús Cudeiro Mazaira
Director xeral de Urbanismo