Por Resolución do 17 de agosto de 2001 (DOG do 23 de agosto) resolveuse provisionalmente a convocatoria de axudas económicas para o curso 2001-2002 a unidades que escolaricen alumnos de educación infantil de 4 ou 5 anos en centros docentes privados.

Tendo en conta o establecido nos puntos décimo terceiro e décimo cuarto da Orde do 18 de xuño de 2001 (DOG do 26 de xuño), procede, en consecuencia, resolver definitivamente a devandita convocatoria de axudas económicas, unha vez cumpridos tódolos trámites previstos na dita orde.

Esta consellería, por proposta da Dirección Xeral de Centros e Inspección Educativa,

DISPÓN:

Primeiro.-Conceder axuda económica, para o curso 2001-2002, ós centros docentes privados que se indican no anexo desta orde para subvenciona-las unidades de educación infantil de 4 ou 5 anos que nel se detallan.

Segundo.-O módulo económico que se establece para as mencionadas axudas económicas é o que figura no anexo III da Resolución do 2 de agosto de 2001 (DOG

do 10 de agosto), pola que se ordena a publicación do acordo do 26 de xullo de 2001, do Consello da Xunta de Galicia, polo que se autoriza a sinatura do acordo sobre melloras retributivas, incremento dos equipos docentes, aumento de «outros gastos» do módulo económico para o sostemento dos centros concertados/subvencionados e importe anual, para o ano 2001, dos módulos económicos para o sostemento dos centros concertados e subvencionados, sendo a súa contía global de 5.465.250 pesetas/unidade/ano, sen prexuízo de que a dita contía se vexa incrementada pola correspondente Lei de orzamentos xerais para o ano 2002, así como pola aplicación do disposto na Resolución do 3 de agosto de 2000 (DOG do 25 de agosto), pola se ordena a publicación do acordo do 21 de xullo de 2000, do Consello da Xunta de Galicia, polo que se autoriza a sinatura do acordo sobre melloras retributivas e incremento de equipos docentes.

Terceiro.-Contra a presente disposición, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.

Santiago de Compostela, 5 de decembro de 2001.

Celso Currás Fernández

Conselleiro de Educación e Ordenación

Universitaria