A necesidade de adecua-lo cadro de persoal da Consellería de Pesca, Marisqueo e Acuicultura ás súas necesidades de funcionamento, fai necesario modifica-la vixente relación de postos de traballo da devandita consellería.
En consecuencia, por proposta da Consellería de Pesca, Marisqueo e Acuicultura, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia na súa reunión do día once de decembro de dous mil un,
ACORDO:
Primeiro.-Modifica-la vixente relación de postos de traballo da Consellería de Pesca, Marisqueo e Acuicultura nos termos que se sinalan no anexo a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do once de decembro de dous mil un, relativo á modificación da relación de postos de traballo da Consellería de Pesca, Marisqueo e Acuicultura, coa finalidade de cumplir dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 12 de decembro de 2001.
Jaime Pita Varela
Conselleiro da Presidencia e Administración
Pública
ANEXO
Persoal funcionario
Na relación de postos de traballo da Consellería de Pesca, Marisqueo e Acuicultura, publicada no Diario Oficial de Galicia nº 220, do 14 de novembro de 2000, na páxina 15.218, nos centros de destino que se relacionan, prodúcense as seguintes modificacións:
* No centro de destino «DELEGACIÓN TERRITORIAL LUGO (CELEIRO)», amortízase o posto «PE.C99.10.000.27650.201.-FUNCIONARIO INSPECCIÓN PESQUEIRA».
* No centro de destino «DELEGACIÓN COMARCAL PONTEVEDRA», amortízase o posto «PE.C99.30.000.36001.201.-FUNCIONARIO INSPECCIÓN PESQUEIRA».