De acordo co disposto no artigo 3.2º do Decreto 365/1996, do 26 de setembro, polo que se regulan os horarios comerciais no ámbito na Comunidade Autónoma de Galicia, modificado polo Decreto 98/1998, do 20 de marzo, as festas locais soamente se considerarán hábiles para os efectos de actividade comercial se os respectivos concellos así llo solicitan á Consellería de Industria e Comercio con anterioridade ó 15 de novembro de cada ano, para a súa incorporación ó calendario que rexerá no ano seguinte.
Unha vez transcorrido o prazo para a presentación de solicitudes dos concellos e á vista das presentadas,
DISPOÑO:
Primeiro.-Autoriza-la apertura dos establecementos comerciais durante o ano 2002 nos festivos locais dos concellos e días que a seguir se relacionan:
-Concello de Bergondo (A Coruña): 12 de febreiro e 16 de agosto.
-Concello de Boimorto (A Coruña): 15 de maio e 2 de setembro.
-Concello de Cedeira (A Coruña): 26 de xullo.
-Concello de Culleredo (A Coruña): 12 de febreiro e 26 de decembro.
-Concello de Dodro (A Coruña): 16 de xullo e 19 de agosto.
-Concello de Ferrol (A Coruña): 7 de xaneiro.
-Concello de Malpica de Bergantiños (A Coruña): 12 de febreiro e 31 de maio.
-Concello de Navia de Suarna (Lugo): 12 de febreiro.
-Concello de Barbadás (Ourense): 12 de febreiro e 11 de novembro.
-Concello de Padrenda (Ourense): 24 de xuño e 16 de setembro.
-Concello de Vilardevós (Ourense): 16 de agosto.
-Concello de Caldas de Reis (Pontevedra): 13 de febreiro.
-Concello da Estrada (Pontevedra): 26 de xuño.
-Concello de Gondomar (Pontevedra): 11 de xullo e 16 de agosto.
-Concello do Grove (Pontevedra): 11 de novembro.
-Concello de Lalín (Pontevedra): 23 de setembro.
-Concello de Tomiño (Pontevedra): 16 de agosto e 9 de setembro.
Segundo.-O resto dos festivos locais non determinados no punto anterior consideraranse inhábiles para os efectos de actividade comercial durante o ano 2002.
Santiago de Compostela, 29 de novembro de 2001.
Juan Rodríguez Yuste
Conselleiro de Industria e Comercio