De conformidade co disposto polo artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselle ás persoas que nos anexos se mencionan a incoación de expediente sancionador por presuntas infraccións da Lei 7/1992, do 24 de xullo, de pesca fluvial (DOG nº 151, do 5 de agosto) e do seu regulamento, aprobado polo Decreto 130/1997, do 14 de maio (DOG nº 106, do 4 de xuño).

Noméase instructora dos expedientes a Miriam Areal López, funcionaria desta delegación; o réxime de recusación é o establecido nos artigos 28 e 29 da Lei 30/1992.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa do Paseo, 18, 5º, e achega-las alegacións, documentos e informacións que consideren convenientes na súa defensa e, se é o caso, propoñer proba concretando os medios de que pretenden valerse.

De non efectuaren alegación ningunha no prazo fixado, este acordo de incoación poderá ser considerado proposta de resolución, conforme o establecido no artigo 13.2º do regulamento para o exercicio da potestade sancionadora, aprobado polo Real decreto 1398/1993, do 4 de agosto.

Ourense, 26 de outubro de 2001.

Agustín Prado Verdeal

Delegado provincial de Ourense

ANEXO I

Expediente: OU 061/01P.

Denunciado: Mario Rui Nunes Florin.

DNI:

Último domicilio coñecido: r/ Trazeta Pedro Nones, nº 10-3º esquerda. Ermesende. Valongo. Porto (Portugal).

Feito denunciado: pescar sen licencia.

Precepto infrinxido e sancionador: art. 34.1º da Lei de pesca fluvial.

Cualificación da infracción: menos grave.

Sanción: multa de 50.001 pesetas, retirada da licencia de pesca e inhabilitación para obtela durante un ano.

Instructora: Miriam Areal López.

Comisos: unha cana marca Silstar-Primera-Telescopic 600, sen carrete.

Destino: posto do Seprona de Lobios.

ANEXO II

Expediente: OU 108/01P.

Denunciado: Domingos Lopes Poulo.

DNI: X0316722-N.

Último domicilio coñecido: r/ Conde de los Gaitanes, nº 6-3º D, Ponferrada (León).

Feito denunciado: pescar con máis canas das permitidas (3), sendo sorprendido tamén os días 21-4 e 1-5 cometendo esta infracción.

Precepto infrinxido e sancionador: art. 33.4º da Lei de pesca fluvial.

Cualificación da infracción: leve.

Sanción: multa de 40.000 pesetas.

Instructora: Miriam Areal López.

ANEXO III

Expediente: OU 135/01P.

Denunciado: Manuel Garrido Fernández.

DNI: 34565448-J.

Último domicilio coñecido: r/ Baro Papón, 18-B A (Ourense).

Feito denunciado: pescar con máis canas das permitidas (2).

Precepto infrinxido e sancionador: art. 33.4º da Lei de pesca fluvial.

Cualificación da infracción: leve.

Sanción: multa de 10.000 pesetas.

Instructora: Miriam Areal López.