A Xunta de Galicia e a Fundación La Caixa de Barcelona asinaron un convenio para colaborar na mellora da atención educativa dos nenos e nenas que son atendidos nas aulas dos centros hospitalarios da nosa comunidade autónoma. No marco deste convenio ofrécese a doazón ó Servicio Galego de Saúde de diverso material informático con destino á aula do Complexo Hospitalario Xeral-Calde de Lugo.
Conforme o artigo 17.1º da Lei 3/1985, do 12 de abril, do patrimonio da Comunidade Autónoma, requírese decreto do Consello da Xunta de Galicia para a adquisición de bens a título gratuíto.
En cumprimento do disposto na Lei 3/1985, do 12 de abril, do patrimonio da Comunidade Autónoma, de conformidade coa proposta do conselleiro de Sanidade e Servicios Sociais e presidente do Servicio Galego de Saúde e logo de deliberación do Consello da Xunta de Galicia na súa reunión do día vintedous de novembro de dous mil un,
DISPOÑO:
Artigo 1º
Acepta-la doazón dos seguintes equipos informáticos:
2 ordenadores de marca IBM, modelo Netvista, valorados en 300.000 pesetas.
2 ordenadores portátiles de marca IBM, modelo Think Pad, valorados en 560.000 pesetas.
1 impresora de marca Hewlett Packard, modelo Deskjet-840C, cun valor de 250.000 pesetas.
1 scanner, marca Hewlett Packard, modelo 3400C, valorado en 18.000 pesetas.
Artigo 2º
Os activos acéptanse segundo o establecido na normativa en materia patrimonial da Comunidade Autó
noma e destinaranse ó Complexo Hospitalario Xeral-Calde de Lugo, de acordo coa vontade dos doadores.
Disposición derradeira
O Servicio Galego de Saúde, a través do seu órgano competente, levará a cabo os trámites necesarios para a efectividade de canto se dispón neste decreto.
Santiago de Compostela, vintedous de novembro de dous mil un.
Manuel Fraga Iribarne
Presidente
José María Hernández Cochón
Conselleiro de Sanidade e Servicios Sociais