Para os efectos previstos no artigo 28 do regulamento para a aplicación da Lei 13/1989, de montes veciñais en man común, e de conformidade co disposto no artigo 60.1º da Lei 30/1992, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común da Coruña, en sesión que tivo lugar o 10 de maio de 2001, adoptou o seguinte acordo:

«No quinto punto da orde do día, a secretaria expón a sentencia firme con data 2-11-2000, recaída no recurso contencioso-administrativo 02/0004933/1997, interposto contra a resolución do xurado con data do 16-12-1996, no expediente nº 335 do monte Barbanza de Lesón. O Tribunal Superior de Xustiza de Galicia estima o recurso, e dispón que o referido monte ten que cualificarse como veciñal. Para os efectos de da-lo debido cumprimiento á sentencia achegada, o xurado acorda cualificar como veciñal en man común o monte Barbanza de Lesón, da parroquia de Lesón, concello

da Pobra do Caramiñal, coa superficie e lindeiros que figuran no primeiro antecedente da resolución recorrida».

A Coruña, 10 de maio de 2001.

Ana María Díaz López

Secretaria do Xurado Provincial de Montes Veciñais en Man Común da Coruña

Visto e prace

Higinio J. Sánchez-Rodilla Fuentes

Presidente do Xurado Provincial de Montes Veciñais en Man Común da Coruña