Finalizado o proceso selectivo para o acceso ó corpo de xestión de administración da Xunta de Galicia (grupo B) convocado pola Orde do 5 de xuño de 2000 (Diario Oficial de Galicia nº 114, do 13 de xuño) e realizado o día 23 de novembro de 2001 o acto previsto na Orde do 14 de novembro de 2001 (Diario Oficial de Galicia nº 224, do 20 de novembro).

Esta consellería, de conformidade co disposto na Lei 4/1988, do 26 de maio, da función pública de Galicia, no Decreto 95/1991, polo que se aproba o Regulamento de selección de persoal de Administración da Xunta de Galicia, demais normas concordantes e nas bases da convocatoria do devandito proceso selectivo,

DISPÓN:

1. Nomear funcionarias do corpo de xestión de administración da Xunta de Galicia (grupo B) as aspirantes que superaron o proceso selectivo ó corpo de xestión de administración da Xunta de Galicia (grupo B) polo sistema de acceso libre e que se relacionan no anexo desta orde, de acordo coa puntuación final obtida, e adxudicándolles, como destinos provisionais, os que figuran no anexo.

2. Para adquiri-la condición de funcionarias, as persoas ás que se refire o anexo desta orde deberán

cumpri-los requisitos esixidos no artigo 45 da Lei 4/1988, do 26 de maio, da función pública de Galicia e tomar posesión do correspondente posto de traballo no prazo legalmente previsto.

3. O prazo de toma de posesión comezará a computarse a partir do día seguinte ó da publicación desta orde no Diario Oficial de Galicia.

Contra esta orde, que pon fin á vía administrativa, poderase interpoñer recurso potestativo de reposición perante esta consellería no prazo dun mes contado desde o día seguinte ó da súa publicación no

Diario Oficial de Galicia, de conformidade co establecido na Lei 30/1992, do 26 de novembro, ou poderase interpoñer directamente recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses, contados desde a mesma data, de conformidade co establecido na Lei 29/1998, do 13 de xullo.

Santiago de Compostela, 26 de novembro de 2001.

Jaime Pita Varela

Conselleiro da Presidencia e Administración Pública

ANEXO