Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Unión Fenosa Distribución, S.A.
Domicilio social: avda. de Arteixo, 171, A Coruña.
Denominación: entroncamento sub. de Boaña L.A.T. 66 kV Negreira-Carballo.
Situación: Santa Comba.
Descricións técnicas: modificación da liña eléctrica aérea de alta tensión a 66 kV Carballo-Negreira, nas inmediacións do apoio nº 219, implantando: novo apoio nº 219 metálico, en celosía, con crucetas, dobre circuíto para entrada e saída a pórtico da subestación de Boaña que se vai instalar, con conductor LA-280, de 43 m de lonxitude e modificando lonxitudes dos vans anterior e posterior ó citado novo apoio, no concello de Santa Comba.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.
A Coruña, 18 de outubro de 2001.
Jesús Espada Martínez
Delegado provincial da Coruña