De conformidade co disposto no artigo 59.4º da Lei de réxime xurídico das administracións públicas e do procedemento administrativo común do 26 de novembro de 1992 (BOE do 27 de novembro), notifícaselles ás persoas mencionadas a continuación (que non puideron ser notificadas no último enderezo coñecido que así mesmo se indica), a resolución do recurso de alzada do expediente sancionador nº 36/14/01, por infracción en materia de defensa do consumidor.

Contra a citada resolución, que é definitiva en vía administrativa, poderá interpoñer recurso potestativo de reposición, de acordo cos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo dunmes contado a partir do día seguinte ó da súa notificación, perante o presidente do Instituto Galego de Consumo, entendéndose desestimado polo transcurso dun mes sen que se dicte e notifique a resolución do recurso, ou recurso contencioso-administrativo perante o Xulgado do Contencioso-Administrativo da circunscrición onde teña a mencionada entidade o seu domicilio social ou na sede do órgano autor do acto orixinario, á súa elección, de acordo co disposto no artigo 8.3º en relación co 14.1º segunda da Lei 29/1998, do 13 de xullo, reguladora da xurisdicción contencioso-administrativa, no prazo de dous meses contados desde o día seguinte ó da súa notificación, sen prexuízo de que os interesados

poidan exercer calquera outro que estimen oportuno.

O importe da sanción deberá ser ingresado na conta número 3110001136, da Caixa Galicia (2091), Oficina de relacións cos organismos (0388), nos seguintes prazos:

a) As débedas notificadas entre os días un e quince de cada mes, desde a data de notificación ata o día cinco ou o inmediato hábil posterior, do mes seguinte.

b) As débedas notificadas entre os días dezaseis e o último de cada mes, desde a data de notificación ata o día vinte ou o inmediato hábil posterior do mes seguinte.

De non efectua-lo pagamento dese prazo, procederase, sen mais trámite, á súa exacción pola vía executiva.

Expediente: 36/14/01.

Inculpado: Txejo Ropa, S.L.

Enderezo: r/ Castelao, 5 (Pontevedra).

Motivos: irregularidades en materia de rebaixas e follas de reclamacións á disposición dos consumidores e usuarios.

Sanción: 75.000 pesetas.

Data da resolución do recurso: 28-9-2001

Pontevedra, 23 de outubro de 2001.

Carmen Bianchi Valcarce

Delegada provincial de Pontevedra