Eu, Jaime Balado Yáñez, secretario xudicial do Xulgado do Social número dous da Coruña, dou fe e testemuño:
En autos seguidos perante este Xulgado do Social, tramitados baixo o nº 320/2001 por instancia de Ramón López Lareo, Alfonso Vázquez Espiñeira e Mario Fernández Barreiro, contra a empresa Maderas Boquete, S.L. e o Fogasa sobre cantidade, dictouse a seguinte sentencia:
«Na Coruña, 30 de outubro de 2001.
Milagritos Evangelina Belso Sempere, maxistrada xuíza substituta do Social número dous desta cidade, viu os presentes autos de xuízo nº 320/2001, seguidos por instancia de Ramón López Lareo, Alfonso Vázquez Espiñeira e Mario Fernández Barreiro, maiores de idade, asistidos polo letrado Juan Gerpe Castro, contra a empresa Maderas Boquete, S.L., que non compareceu en autos, e o Fogasa, representado e asistido polo letrado Ramón Novoa García-Cisneros, sendo o obxecto da reclamación, salarios.
Seguen feitos e fundamentos de dereito.
Decido que debo estimar e estimo a demanda interposta polos demandantes Ramón López Lareo, Alfonso Vázquez Espiñeira e Mario Fernández Barreiro contra a empresa Maderas Boquete, S.L., condenando a demandada a lles aboar ós demandantes a cantidade de 670.106 pesetas polos conceptos reclamados na demanda.
Notifíqueselles esta resolución ás partes, ás que se lles fará saber que contra a referida só cabe recurso de suplicación ante o Tribunal Superior de Xustiza de Galicia, anunciándose ante este xulgado no prazo de cinco días contados a partir da notificación desta sentencia, e no propio termo, se o recorrente non goza do beneficio da xustiza gratuíta, deberá, ó anuncialo, entrega-lo resgardo acreditativo de consignación da cantidade obxecto da condena na conta de depósitos e consignacións que este xulgado ten aberta no BBV desta cidade, co número de conta 5603, clave 60, facendo constar no ingreso o número do expediente.
E, así mesmo, deberá no momento de interpo-lo recurso consigna-la cantidade de 25.000 pesetas en concepto de depósito, na clave 65 da citada conta e expediente.
Así, por esta miña sentencia, definitivamente xulgando en primeira instancia, pronúncioo, mándoo e asínoo».
E para que sirva de notificación á empresa Maderas Boquete, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula na Coruña, 30 de outubro de 2001.
O secretario xudicial
Rubricado