Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: BEGASA.

Domicilio social: Cidade de Viveiro, 4, 27002 Lugo.

Denominación: L.M.T., C.T. e enlace en R.B.T. en Conturiz.

Situación: Lugo.

Características técnicas: liña aérea de M.T. en conductor LA-56 con orixe en L.M.T. a C.T. matadoiro e final en C.T. Catro Ventos a 20 kV e 223 m de lonxitude. L.M.T. subterránea a 20 kV de 37 m de lonxitude en conductor R.H.Z. C.T. de 630 kVA relación 20.000/380-220 V. R.B.T. en conductor R.Z. de 360 m de lonxitude sobre apoios de formigón.

Cumpridos os trámites ordenados na Lei 54/1997, do 27 de novembro, e no do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Lugo, 8 de outubro de 2001.

Jesús Bendaña Suárez

Delegado provincial de Lugo