Polo presente edicto faise saber que en providencia dictada no dia da data, por esta sección segunda da Sala do Contencioso-Administrativo do Tribunal Superior de Xustiza de Galicia, se acordou admitir a trámite o recurso interposto polo procurador Luis Sánchez González, en nome e representación do Colegio Oficial de Ingenieros Industriales de Galicia,

contra Decreto 195/2001, do 26 de xullo, da Consellería de Xustiza, polo que se aproban os estatutos do Colegio Oficial de Químicos de Galicia (Diario Oficial de Galicia nº 161, do 21-8-2001).

Recurso número: 02/0004996/2001.

A publicación deste anuncio servirá de emprazamento para as persoas que, non tendo sido notificadas persoalmente, posúan un dereito ou interese lexítimo no citado recurso, que poderán comparecer en legal forma no prazo de nove días. Se o fixesen con posterioridade, teráselles por parte para os trámites non precluídos.

A Coruña, 30 de outubro de 2001.

Isabel Freire Corzo

Secretaria