Visto o expediente instruído para efectos de transmisión dun parque de cultivo de ameixa fina, e da concesión administrativa que o ampara, resulta:
a) Antecedentes de feito.
Primeiro.-Mediante escrito do 5-3-1999, María Asunción Pena Lage no seu nome solicitou autorización para transmisión da concesión dun parque de cultivo de ameixa fina da súa titularidade.
Segundo.-Os informes do biólogo da Delegación Territorial da Coruña sobre o estado de explotación do parque, indican unha baixa productividade, polo que o adquirente presentou un compromiso de poñelo en óptimas condicións de explotación no caso de que foise autorizado o cambio de titularidade solicitado.
Terceiro.-Tendo en conta que o informe do Servicio Técnico Xurídico sobre a tramitación do expediente, é favorable.
b) Fundamentos xurídicos.
Primeiro.-Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia, e coa Orde do 14 de xuño de 1999 de delegación de competencias nos delegados territoriais da Consellería de Pesca, Marisqueo e Acuicultura.
Segundo.-O expediente seguiu tódolos trámites establecidos no procedemento administrativo común e na Lei 6/1993, do 11 de maio, de pesca de Galicia e, así mesmo, o Ministerio de Medio Ambiente, Dirección Xeral de Costas o 25-4-2000, autorizou a transferencia da concesión administrativa para a ocupación de terreos de dominio público marítimo-terrestre.
Vistas as disposicións citadas, a proposta de resolución elaborada polo servicio de recursos mariños, o artigo 89 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común, e demais normas de xeral e pertinente aplicación, autorizo a transmisión inter vivos, a favor de Pescados Muíños, S.L. (CIF B-15240591), da concesión administrativa do parque que se indica a continuación:
Identificación:
Tipo: parque de cultivo.
Situación:
Enseada de Ladrido, lugar coñecido por Pozo do Pilón, concello de Ortigueira.
Especies autorizadas:
Ameixa fina (Ruditapes decussatus).
Título habilitante:
Orde de outorgamento: 13-2-1974 (BOE nº 64, do 15 de marzo).
Remate da vixencia: 25-2-2004.
Actual titular: María Asunción Pena Lage (DNI 32528450).
Adquirente: Pescados Muíños, S.L. (CIF B-15240591).
Baixo as seguintes condicións:
Primeira.-O actual titular deberá presentar no prazo máximo dun mes, contados desde o día seguinte ó da publicación da presente orde no Diario Oficial de Galicia, orixinal ou fotocopia cotexada da seguinte documentación:
a) Documento notarial da transmisión.
b) Solicitude ou carta de pagamento do imposto de transmisións patrimoniais.
Segundo.-Transcorrido o prazo indicado na condición primeira sen ter presentada a documentación requirida, a autorización quedará sen efecto, logo de comunicación por parte da consellería.
Terceira.-O novo titular da concesión queda subrogado nos dereitos e obrigas do anterior, desde o momento de formalización da compravenda en escritura pública.
Condición especial única.-Esta autorización queda condicionada á posta en explotación do parque de que se trata por parte do novo concesionario, para o que se lle concede un prazo de seis meses contados a partir da entrada en vigor da presente, anulándose en caso contrario o cambio de dominio.
Contra esta autorización, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción contencioso-administrativa, que se interporá no prazo de dous meses contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, reguladora da xurisdicción contencioso-administrativa.
A Coruña, 23 de outubro de 2001.
(P.D. Orde 14-6-1999, DOG nº 120,
do 24 de xuño)
María José Cancelo Baquero
Delegada territorial da Coruña