De acordo co establecido no artigo 38.2º da Lei 11/1983, do 25 de agosto, e o artigo 2.4º do Real decreto 1888/1984, do 26 de setembro, este rectorado resolven convocar a concurso as prazas que se relacionan no anexo I da presente resolución, de acordo coas seguintes bases:
Primeira.-Os ditos concursos rexeranse polo disposto na Lei orgánica 11/1983, do 25 de agosto (BOE do 1 de setembro); a Lei 17/1993, do 23 de decembro (BOE do 24 de decembro), no Real decreto 1888/1984, do 26 de setembro (BOE do 26 de outubro), corrixido parcialmente polo Real decreto 1427/1986, do 13 de xuño; e na Orde do 28 de decembro de 1984 (BOE do 16 de xaneiro de 1985) e, no non previsto, pola lexislación xeral de funcionarios civís do Estado, e tramitaranse independentemente para cada unha das prazas convocadas.
Segunda.-Para ser admitido ós ditos concursos cómpren os seguintes requisitos xerais.
a) Ser español ou nacional dun estado membro da Unión Europea ou nacional daqueles estados ós que, en virtude de tratados internacionais asinados pola Comunidade europea e ratificados por España, sexa de aplicación a libre circulación de traballa-
dores nos termos en que esta se teña definida no Tratado Constitutivo da Comunidade Europea. Tamén poderán participa-lo cónxuxe, ascendentes e descendentes do cónxuxe, dos españois e dos nacionais doutros estados membros da Unión Europea sempre que non estean separados de dereito, máis novos de vinteún anos e máis vellos da devandita idade que vivan ás súas custas.
Este último beneficio será igualmente de aplicación a familiares de nacionais doutros estados cando así se prevexa nos tratados internacionais asinados pola Comunidade Europea e ratificados por España.
b) Estar en posesión da titulación suficiente ou estar en condicións de obtela na data en que remate o prazo de presentación de solicitudes para tomar parte nas probas selectivas. No caso de titulacións obtidas no estranxeiro deberase estar en posesión da credencial que acredite a súa homologación ou, de se tratar de profesións reguladas, da credencial de recoñecemento para o exercicio profesional.
c) No ter sido separado do servicio de ningunha Administración pública en virtude de expediente disciplinario nin atoparse inhabilitado por sentencia firme para o exercicio de funcións públicas. Os aspirantes con nacionalidade distinta á española deberán acreditar, igualmente, non estar sometidos a sanción disciplinaria ou condena penal que impida, no seu Estado, o acceso á función pública.
d) Ter cumpridos os 18 anos de idade e non ter cumpridos os 70.
e) Cumpri-los requisitos para exerce-las funcións que dentro do corpo lle poidan ser encomendadas, conforme o previsto regulamentariamente.
Terceira.-Deberán reunir ademais as condicións específicas que se sinalan no artigo 4.1º ou 2º do Real decreto 1888/1984, do 26 de setembro, segundo a categoría das prazas e a clase de concurso.
Cando, estando en posesión do título de doutor, se concorra a prazas de catedrático de universidade, de acordo co previsto no artigo 4.1º c) do Real decreto 1888/1984, do 26 de setembro, e non se pertenza a ningún dos corpos que nel se sinalan, os interesados deberán acreditar que son eximidos de tales requisitos.
Non poderá concursar a prazas de profesor titular de universidade quen estivera contratado durante máis de dous anos como axudante nesta universidade, salvo as excepcións previstas no artigo 37.4º da Lei 11/1983, do 25 de agosto, de reforma universitaria.
Cuarta.-Os aspirantes, por dereitos de exame e dentro do prazo de presentación de solicitudes, deberán aboar na conta corrente nº 2091-300-44-3110000482 de Caixa Galicia, oficina principal de Santiago de Compostela (impreso modelo 48/2, outros ingresos), a cantidade de 4.000 pesetas en concepto de formación de
expediente e por dereitos de exame. Non acredita-lo pagamento destes dereitos dentro do prazo de presentación de solicitudes será causa de exclusión.
Quinta.-Quen desexe tomar parte no concurso remitirá a correspondente instancia, debidamente cuberta, segundo o modelo que figura no anexo II ó rector da Universidade de Santiago de Compostela, por calquera dos procedementos establecidos na Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de 20 días de labor a partir do día seguinte a aquel no que teña lugar a publicación desta convocatoria no Boletín Oficial del Estado, achegando o xustificante do pagamento de dereitos de exame e os documentos que acrediten que reúne os requisitos para participar no concurso. A concorrencia dos ditos requisitos deberá estar referida sempre a unha data anterior á da fin do prazo fixado para solicita-la participación no concurso.
Os aspirantes que non posúan a nacionalidade española e teñan dereito a participar deberán presentar dúas fotocopias do documento que acredita a súa nacionalidade e, de se-lo caso, os documentos que acrediten o vínculo do parentesco e/ou o feito de viviren a custas ou estaren a cargo do nacional doutro estado co que teñan o devandito vínculo. Así mesmo, deberán presentar declaración xurada ou promesa deste de que non está separado de dereito do seu cónxuxe e, de se-lo caso, do feito de que o aspirante vive ás súas custas ou está ó seu cargo.
Sexta.-Rematado o prazo de presentación de solicitudes, o rector da universidade, por calquera dos procedementos establecidos no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, remitiralle a tódolos aspirantes unha relación completa de admitidos e excluídos, con indicación das causas de exclusión. Contra a dita resolución os interesados poderán presentar unha reclamación ante o rector no prazo de quince días de labor contados desde o seguinte ó da notificación da relación de admitidos e excluídos.
Sétima.-O presidente da comisión, dentro do prazo habilitado regulamentariamente para a constitución, dictará unha resolución que deberá ser notificada a tódolos interesados cunha antelación mínima de 15 días naturais respecto da data do acto para o que é citado, convocando a:
a) Tódolos membros titulares da comisión e, se é o caso, ós suplentes necesarios para efectua-lo acto de constitución dela.
b) Tódolos aspirantes admitidos a participar no concurso, para realizaren o acto de presentación dos concursantes fixando o seu día, hora e lugar de celebración.
Oitava.-No acto de presentación, os e as concursantes entregaranlle ó presidente da comisión a documentación sinalada nos artigos 9 e 10 do Real decreto 1888/1984, do 26 de setembro corrixido polo Real decreto 1427/1986, do 13 de xuño, se é o caso, segundo se trate de concurso ou concurso de méritos.
Novena.-Os candidatos e candidatas que se propoñan para a provisión das prazas deberán presentar na Secretaría Xeral da Universidade, nos quince días de labor seguintes ó de concluí-la actuación da comisión, por calquera dos medios sinalados no artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común, os seguintes documentos:
a) Fotocopia compulsada do documento nacional de identidade.
b) Declaración xurada de que non foi separado da Administración do Estado, institucional ou local, nin das administracións das comunidades autónomas, en virtude do expediente disciplinario e non acharse inhabilitado para o exercicio da función pública.
c) Os aspirantes que non posúan a nacionalidade española deberán presentar declaración xurada ou promesa de non estaren sometidos a sanción disciplinaria ou condena penal que impida no seu Estado o acceso á función pública, segundo o modelo que figura como anexo a esta convocatoria.
Os que tivesen a condición de funcionarios públicos de carreira estarán exentos de xustificar tales documentos e requisitos, pero deberán presentar unha certificación do ministerio ou organismo do que dependan, que acredite a súa condición de funcionarios e cantas circunstancias consten na folla de servicios.
Santiago de Compostela, 30 de outubro de 2001.
F. Darío Villanueva Prieto
Rector da Universidade de Santiago de Compostela
ANEXO I
Número de prazas: 1.
Praza nº: 1890/2001.
Corpo ó que pertence a praza: catedrático de universidade.
Área de coñecemento á que corresponde: dereito mercantil.
Departamento ó que está adscrita: Dereito Mercantil e do Traballo.
Actividades que debe realizar quen obteña a praza: dereito mercantil en Santiago de Compostela.
Clase de convocatoria: concurso.
Número de prazas: 1.
Praza nº: 1891/2001.
Corpo ó que pertence a praza: catedrático de universidade.
Área de coñecemento á que corresponde: farmacoloxía.
Departamento ó que está adscrita: Farmacoloxía.
Actividades que debe realizar quen obteña a praza: farmacoloxía en Santiago de Compostela.
Clase de convocatoria: concurso.
Número de prazas: 1.
Praza nº: 1892/2001.
Corpo ó que pertence a praza: profesor titular de universidade.
Área de coñecemento á que corresponde: dereito internacional privado.
Departamento ó que está adscrita: Dereito Común.
Actividades que debe realizar quen obteña a praza: dereito internacional privado en Santiago de Compostela.
Clase de convocatoria: concurso.
Número de prazas: 1.
Praza nº: 1893/2001.
Corpo ó que pertence a praza: profesor titular de universidade.
Área de coñecemento á que corresponde: didáctica e organización escolar.
Departamento ó que está adscrita: Didáctica e Organización Escolar.
Actividades que debe realizar quen obteña a praza: novas tecnoloxías aplicadas á educación nas titulacións de mestre en Santiago de Compostela.
Clase de convocatoria: concurso.
Número de prazas: 1.
Praza nº: 1894/2001.
Corpo ó que pertence a praza: profesor titular de universidade.
Área de coñecemento á que corresponde: farmacoloxía.
Departamento ó que está adscrita: Farmacoloxía.
Actividades que debe realizar quen obteña a praza: farmacoloxía e terapéutica veterinaria en Lugo.
Clase de convocatoria: concurso.
Número de prazas: 1.
Praza nº: 1895/2001.
Corpo ó que pertence a praza: profesor titular de universidade.
Área de coñecemento á que corresponde: filoloxía francesa.
Departamento ó que está adscrita: Filoloxía Francesa e Italiana.
Actividades que debe realizar quen obteña a praza: literatura francesa dos séculos XIX e XX e literatura de expresión francesa en Santiago de Compostela.
Clase de convocatoria: concurso.
Número de prazas: 1.
Praza nº: 1896/2001.
Corpo ó que pertence a praza: profesor titular de universidade.
Área de coñecemento á que corresponde: filoloxía italiana.
Departamento ó que está adscrita: Filoloxía Francesa e Italiana.
Actividades que debe realizar quen obteña a praza: literatura italiana dos séculos XIX e XX en Santiago de Compostela.
Clase de convocatoria: concurso.
Número de prazas: 1.
Praza nº: 1897/2001.
Corpo ó que pertence a praza: profesor titular de universidade.
Área de coñecemento á que corresponde: filoloxía italiana.
Departamento ó que está adscrita: Filoloxía Francesa e Italiana.
Actividades que debe realizar quen obteña a praza: literatura italiana (introducción) en Santiago de Compostela.
Clase de convocatoria: concurso.
Número de prazas: 1.
Praza nº: 1898/2001.
Corpo ó que pertence a praza: profesor titular de universidade.
Área de coñecemento á que corresponde: filoloxía inglesa.
Departamento ó que está adscrita: Filoloxía Inglesa.
Actividades que debe realizar quen obteña a praza: literatura norteamericana en Santiago de Compostela.
Clase de convocatoria: concurso.
Número de prazas: 1.
Praza nº: 1899/2001.
Corpo ó que pertence a praza: profesor titular de universidade.
Área de coñecemento á que corresponde: electromagnetismo.
Departamento ó que está adscrita: Física Aplicada.
Actividades que debe realizar quen obteña a praza: electromagnetismo. Materiais magnéticos en Santiago de Compostela.
Clase de convocatoria: concurso.
Número de prazas: 1.
Praza nº: 1900/2001.
Corpo ó que pertence a praza: profesor titular de universidade.
Área de coñecemento á que corresponde: historia contemporánea.
Departamento ó que está adscrita: Historia Contemporánea e de América.
Actividades que debe realizar quen obteña a praza: historia contemporánea de Galicia en Santiago de Compostela.
Clase de convocatoria: concurso.
