Por acordo do Pleno da Corporación Municipal do 27 de setembro de 2001, foi aprobado o prego de cláusulas administrativas particulares para a venda, mediante poxa restrinxida, dun ben patrimonial, propiedade do Concello de Vilagarcía de Arousa, parcela edificable de 450 m, sita no lugar da Florida, con fronte a unha rúa de nova apertura prevista no PXOM.

Tipo de licitación: fíxase como tipo mínimo de licitación o de 37.733.470 pesetas. A mellora realizarase á alza con respecto ó tipo de licitación.

O adxudicatario estará obrigado a aboa-lo IVE correspondente.

Fianza provisional: fíxase en 754.669 pesetas.

Exposición do expediente: na secretaría do concello, tódolos días laborables, durante as horas de oficina, agás o sábado.

Prazo e lugar de presentación das proposicións: na secretaría do concello de 9.30 a 13.30 horas, durante o prazo de 26 días hábiles, contados a partir do seguinte ó da publicación do último anuncio de licitación no BOP ou DOG.

Apertura de plicas: na casa do concello, ás 12 horas do 5º día hábil seguinte ó do remate do prazo de presentación de propostas.

Proposicións: deberán presentarse conforme o modelo que consta no prego de cláusulas administrativas particulares.

Condicións dos licitadores e documentos que hai que presentar: os licitadores deberán cumpri-las condicións que figuran na cláusula II e deberán presenta-la documentación que figura na cláusula VIII no prego de cláusulas administrativas particulares.

Vilagarcía de Arousa, 18 de outubro de 2001.

Joaquín J. Gago López

Alcalde