O Pleno do Concello de Vigo, en sesión do día 28 de xuño de 2001, adoptou o seguinte acordo:

Primeiro.-Aprobar definitivamente o estudio de detalle da unidade de actuación VD do PERI IV-05 travesía de Vigo-Aragón, de acordo co proxecto presentado polo equipo técnico Barderas, González y Simón C.B. e redactado polo equipo técnico Guillén, Mateos y Llopiz, arquitectos, con planos visados polo

COAG no 18-1-2001, 4-12-2000 e 26-7-200 (expediente 6202/411).

Segundo.-No correspondente proxecto de compensación deberá garantirse o deber de conservación polos propietarios dos novos espacios libres e verdes cedidos ó concello, tal e como perpetúa o punto 3.2.3.5.b) in fine do vixente PXOU-93 (páx. 58 BOP nº 133, do 14 de xullo). No seu defecto, deberá constituírse unha entidade urbanística de conservación para tal fin.

Terceiro.-Notifíquese o presente acordo á entidade promotora do estudio de detalle e demais interesados. Publíquese no BOP e no DOG, con cumprimento dos trámites regulados no artigo 48 da Lei 1/1997, do 24 de marzo (LSG).

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados a partir do día seguinte da publicación deste anuncio.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou, intentada esta, non se puidese practicar.

Vigo, 23 de xullo de 2001.

Lois Pérez Castrillo

Alcalde-presidente da Xerencia Municipal

de Urbanismo