Por resolución da Alcaldía do 11 de outubro de 2001 acordouse:

Primeiro.-Aprobar inicialmente o Plan parcial do parque empresarial promovido por Xestur-Lugo nunha superficie de forma triangular localizada na zona da Espiñeira, definida polas estradas N-642 e N-634 e estrada da Espiñeira, e cunha superficie de 131.947 m.

Segundo.-Sometelo a información pública polo prazo dun mes mediante anuncio que se inserirá no Diario Oficial de Galicia e no xornal El Progreso, de Lugo; durante o dito período, que comezará a contarse desde o día seguinte ó da inserción do correspondente anuncio no Diario Oficial de Galicia, quedará o expediente na secretaría do concello á disposición de calquera que queira examinalo e formula-las alegacións pertinentes, notificándose individualmente ós afectados, propietarios de terreos incluídos no ámbito do plan parcial.

Terceiro.-Declara-la suspensión do procedemento de outorgamento de licencias de parcelación, edificación e demolición no ámbito territorial do plan parcial, por canto as novas determinacións supoñen modificación do réxime urbanístico vixente; a dita suspensión extinguirase polo transcurso do prazo dun ano e, en calquera caso, coa aprobación definitiva do plan.

Barreiros, 11 de outubro de 2001.

O alcalde

Rubricado